সেই কাজল সনা দুচকু… চাই দিলেই শাঁত পৰি যায় বহু ডেকাৰ মন৷ ঠিকেই ভাৱিছে আমি ক’ব খুজিছো মহাকুম্ভৰ সেই মোহময়ী মনালিছাৰ কথা৷ শ্যামল ৰং, খোলা চুলি আৰু সেই কাজল সনা দুচকুৰে মনালিছা ভাইৰেল হৈ পৰিছিল মহাকুম্ভত৷ সম্পূৰ্ণ নাম মনালিছা ভোছলে৷ সেই মনালিছাৰ মোহময়ী ৰূপেই সলাই পেলাইছিল তেওঁৰ জীৱন৷ অৱশেষত বিয়াত বহিল তেওঁ৷ পাত্ৰৰ নাম ফৰমান খান৷
বিগত বৰ্ষৰ জানুৱাৰীত ভাইৰেল হৈ পৰিছিল মনালিছা৷ উত্তৰপ্ৰদেশৰ প্ৰয়াগৰাজত তেতিয়া মহাকুম্ভ চলিছিল৷ মেলাত ঘূৰি মালা বিক্ৰি কৰিছিল মনালিছাই৷ কোনো পুণ্যাৰ্থীয়ে সেই ভিডিঅ’ তুলি পোষ্ট কৰে নেটদুনীয়াত৷ মুহূৰ্ততেই মালা বিক্ৰি কৰা মনালিছা হৈ পৰে ভাইৰেল মনালিছা৷ মোবাইলে মোবাইলে ভাইৰেল মনালিছা হৈ পৰে এক প্ৰকাৰৰ চেলিব্ৰিটিয়েই৷
অবিন্যস্ত ভ্ৰু, বিয়পি পৰা কাজল, নাকত এপাত ফুলি আৰু হাঁহিমুখীয়া মনালিছাৰ ৰূপে মোহিলে বহুজনক৷ যিয়েই দেখিছে তেওঁৰেই চকু থৰ হৈ গৈছে মনালিছাৰ ওপৰত৷ মধ্যপ্ৰদেশৰ খাৰগোন জিলাৰ মহেশ্বৰ গাওঁৰ এক নিম্নবিত্ত পৰিয়ালৰ কন্যা মনালিছা৷ দিনটোত এঁসাজ পেটপুৰাই খোৱাটোও মনালিছাহঁতৰ পৰিয়ালৰ বাবে আছিল এক বৃহৎ প্ৰত্যাহ্বান৷ সেয়ে দৈনন্দিন এসাঁজ ভালকৈ খোৱাৰ আশাৰেই কিছু ধন ঘটিবৰ বাবে মনালিছা গৈছিল মহাকুম্ভত মালা বিক্ৰি কৰিবলৈ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
