মহাৰাষ্ট্ৰত মহাশক্তি, একেলগে কংগ্ৰেছ, উদ্ধৱ থাকৰে আৰু শৰদ পাৱাৰৰ দলে ভগাই লব আসন
বিগত কেইবাদিনো ধৰি মহাবিকাশ আঘাদীৰ আসন ভাগ-বতৰা সন্দৰ্ভত আলোচনা সমাপ্ত হৈছে। আজি বুধবাৰে ২৩ অক্টোবৰ ঘোষণা কৰা হয় যে তিনিওটা দলে ৮৫-৮৫খন আসন সমানে ভাগ কৰি নিৰ্বাচনত অৱতীৰ্ণ হ’ব। যাৰ ফলত মহাৰাষ্ট্ৰত গঠিত হৈছে মহাশক্তি।
মহাৰাষ্ট্ৰত মুঠ ২৮৮খন বিধানসভাৰ আসন। উদ্ধৱ থাকৰে, শৰদ পাৱাৰ আৰু কংগ্ৰেছৰ মাজত ২৭০খন আসনৰ বাবে এক চুক্তিত উপনীত হৈছে। বাকী ১৮খন আসন অন্য মিত্ৰ দলৰ হাতলৈ যাব। ১৫খন আসনৰ ওপৰত এতিয়াও সিদ্ধান্ত বাকী।
২৭০খন আসনৰ বাবে যি সূত্ৰ ওলাইছে তাত ৮৫×৩ অৰ্থাৎ ২৫৫খন আসনৰ ঘোষণা কৰা হৈছে। অৰ্থাৎ ১৫খন আসনৰ ক্ষেত্ৰত এতিয়াও সিদ্ধান্ত লোৱা হোৱা নাই। সংবাদমেলৰ সময়ত শিৱসেনাৰ সাংসদ সঞ্জয় ৰাউতে কয় যে ২৭০খন আসনৰ ক্ষেত্ৰত একমতত উপনীত হৈছে। এমভিএৰ তিনিটা দলৰ মাজত ১৫খন আসনৰ সন্দৰ্ভত এতিয়াও আলোচনা চলি আছে।
ৰাজ্যিক কংগ্ৰেছৰ সভাপতি নানা পাটেলে কয় যে কাইলৈ বৃহস্পতিবাৰ ২৪ অক্টোবৰ তাৰিখে বাকী আসনসমূহৰ ছবিখনো স্পষ্ট হ’ব। আমি মিত্ৰতাৰে নিৰ্বাচনত প্ৰতিদ্বন্দ্বিতা কৰিবলৈ ওলাইছো আমাৰ সংখ্যাগৰিষ্ঠ চৰকাৰ আহিব।
কংগ্ৰেছ, শাৰদ পাৱাৰ আৰু উদ্ধৱ থাকৰেৰ মাজত এতিয়াও আলোচনা হ’বলগীয়া ১৫খন আসনৰ ভিতৰত কোনটো দলে কিমানখন আসন লাভ কৰিব, সেয়া অনাগত সময়তহে জানিব পৰা যাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
