আজি আঘোণৰ পূৰ্ণিমাত নামমি অসমত বিশেষ উৎসৱ, জানেনে ইয়াৰ বিষয়ে !
আজি আঘোণী পূৰ্ণিমা, অৰ্থাৎ আঘোণ মাহৰ পূৰ্ণিমা, যাক সবাতোকৈ শীতল পূৰ্ণিমা বুলিও কোৱা হয়। এই পূৰ্ণিমাতেই নামনি অসমৰ ফালে উদযাপন কৰা হয় এক বিশেষ উৎসৱ। গৰখীয়া আৰু চেমনীয়া ল’ৰাবোৰ বিশেষভাৱে অংশ লয় এই উৎসৱত।
এই উৎসৱবিধ হৈছে মহো-হো উৎসৱ। যি উৎসৱত মহ খেদা হয় বুলি বিশ্বাস কৰা হয়। আঘোন মাহত অনুষ্ঠিত মহোহো উৎসৱ গাঁৱৰ গৰখীয়া আৰু চেমনীয়া ল’ৰাবোৰে হাঁহি-ফুৰ্তিৰে লগ হৈ পালন কৰে।
গধূলিপৰত হাতত টোকোন বা লাঠি লৈ মানুহৰ চোতালে চোতালে গৈ ঘূৰি ঘূৰি মহো-হো গীত গায়। গীতৰ শেষত গৃহস্থই সাধ্যনুসাৰে গীতগোৱা দলটোক টকা-পইচা বা চাউল-পাত দি বিদায় দিয়ে। পাছত সেয়াৰে ভোজ-ভাত খাই সকলোৱে।
সেই গীত বোৰ এনে ধৰণৰ-
নলবাৰী-
অ’হোহো মহোহো
মহ খেদবা টাকান লৌ
মহে বোলে মল্লু দে
টেপল পুৰা খালু দে
টেপলত নহ’ল নুন
চাউল লাগে দুণ দুণ
বাঁহৰ পাত চিকিমিকি
আমাক নাংগে আধলি-সিকি
বাঁহৰ পাত পকা
আমাক লাগে টকা
অ’ হৰি অ’ ৰাম
বজালী-
অ’হোহো মহোহো
মহ খেদ্বা যাউং যো
মহে বোলে মল্লু দে
তেপৰ মূৰা খালু দে
তেপৰত নহল লোণ
চাউল লাগে দোণ দোণ
সেই চাউলেদি নভ্ৰিল ডুনি
আইথেৰ ঘৰ লৰিচৰি
আইথেৰ ঘৰত পকা জামুক
জাপ দি আহে আমাৰ ভালুক
বাহৰ পাত চিকিমিকি
আমাক লাগে বগা সিকি
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
