SIP ত ১০ লাখ টকা ৰিটাৰ্ণ আশা কৰিছে? ১০ লাখ ধন গোটাবলৈ কিমান দিন সময় লাগিব? মাহিলী বিনিয়োগ কিমান হ’লে কম সময়তে পাব এই ধন?

বৰ্তমান এছ আই পি বিনিয়োগৰ অত্যন্ত জনপ্ৰিয় মাধ্যম হৈ উঠিছে৷ এতিয়া প্ৰায়সকল লোকেই এছ আই পিত বিনিয়োগ কৰে৷ ইয়াৰ সকলোতকৈ ডাঙৰ কাৰণ হৈছে বেংক বা পোষ্ট অফিচৰ তুলনাত এছ আই পিত বেছিকৈ ৰিটাৰ্ণ পোৱা যায়৷ মিউচুৱেল ফাণ্ডৰ দিশত বিনিয়োগকাৰীয়ে বেছি আগ্ৰহ কৰাৰ কাৰণ হৈছে ইয়াত সুৰক্ষিত বিনিয়োগৰ তুলনাত মুনাফা বেছি৷ এছ আই পিৰ গুৰুত্বপূৰ্ণ বিষয়টো হৈছে ইয়াত লাভ বজাৰৰ ওঠা নমাৰ ওপৰত নিৰ্ভৰশীল৷ মিউচুৱেল ফাণ্ডত নূন্যতম ১২ৰ পৰা ১৪ শতাংশ পৰ্যন্ত ৰিটাৰ্ণ পোৱা যায়৷ সেই অনুসৰি ১০ লাখ টকাৰ ফাণ্ড তৈয়াৰ কৰিবলৈ হলে আপুনি কিমানদিন বিনিয়োগ কৰিব লাগিব? জানি থওক হিচাপ৷

আপোনাৰ ১০ লাখ টকা জমা কৰিবলৈ কিমান সময় লাগিব সেয়া সম্পূৰ্ণ নিৰ্ভৰ কৰিব আপোনাৰ প্ৰতিমাহে কিমান টকা এছ আই পি কৰিছে তেওঁৰ ওপৰত৷ কোনোৱে SIP-ত প্ৰতিমাহে ২০০০ টকা বিনিয়োগ কৰিব, তেন্তে ১২ শতাংশ ৰিটাৰ্ণৰ হিচাপ অনুসৰি ১০ লাখ টকাৰ ফাণ্ড তৈয়াৰ কৰিব হলে ১৬ বছৰ পৰ্যন্ত বিনিয়োগ কৰিব লাগিব৷ এই ১৬ বছৰত আপুনি মুঠ ৩,৮৪,০০০ টকা বিনিয়োগ কৰিব আৰু ৰিটাৰ্ণ হিচাপে পাব ৭,০৭,৬১৯ টকা৷