পেলনীয়া সামগ্ৰীৰে প্ৰতিবছৰে দুৰ্গাৰ প্ৰতিমা নিৰ্মাণ কৰি অহা এগৰাকী শিল্পী, নাম লিপিবদ্ধ কৰিছে ইণ্ডিয়া বুক অৱ ৰেকৰ্ডটো
প্ৰতিবছৰে মা দুৰ্গাৰ বিশেষ প্ৰতিমা নিৰ্মাণ কৰা এগৰাকী শিল্পী। প্ৰতি শাৰদীয় দুৰ্গা পূজাত পেলনীয়া সামগ্ৰীৰে নিৰ্মাণ কৰি আহিছে মা দুৰ্গাৰ প্ৰতিমা। এইবাৰো তাৰ ব্যতিক্ৰম নহয়। ধুবুৰীৰ সঞ্জীৱ বাসাকে এইবাৰো পেলনীয়া সামগ্ৰীৰে নিৰ্মাণ কৰিছে দেৱীৰ আটক-ধুনীয়া প্ৰতিমা।
এইবাৰ বুটামৰ (Button) ব্যৱহাৰ কৰি নিৰ্মাণ মা দুৰ্গাৰ প্ৰতিমা। দুৰ্গাৰ প্ৰতিমা, সাজ-পাৰ, অলংকাৰ, মহিশাসুৰ, আদি সকলো বুটামেৰে নিৰ্মাণ।
এই ক্ষেত্ৰত ধুবুৰীৰ সঞ্জীৱ বাসাকে অসম লাইভৰ সৈতে হোৱা কথা-বতৰাত কয় যে, বুটামেৰে প্ৰতিমা নিৰ্মাণৰ বাবে কাম কৰাৰ ক্ষেত্ৰত সবাতোকৈ কঠিন কামটোৱে আছিল বুটামৰ সংগ্ৰহ। ২ মাহ ধৰি বিভিন্ন ঠাইৰ পৰা ব্যৱহৃত বুটাম সংগ্ৰহ কৰি সেই বুটাম ভালদৰে ধুই চাফা কৰি পাছত আকাৰ তথা চাইজ অনুসৰি সেই বুটামবোৰ পৃথক পৃথক কৰা। তাৰ পাছতহে ৩ মাহ ধৰি প্ৰতিমা নিৰ্মাণৰ কাম কৰা।
সঞ্জয় বাসাকে লগতে ইয়াকো কয় যে, কেৱল বুটামেৰে নিৰ্মাণ কৰাই তেঁওৰ লক্ষ্য নহয়, এই প্ৰতিমা যাতে অতি সহজে ইঠাইৰ পৰা সিঠাইলৈ লৈ যাব পৰা যায় তাৰ প্ৰতিও লক্ষ্য ৰখা হৈছে। লগতে সকলো বুটাম যাতে পুণৰ ব্যৱহাৰ কৰিব পৰা যাব তাৰ প্ৰতিয়ো নজৰ দিয়া হৈছে। মুঠতে সকলো বস্তুৱে পুনৰ ব্যৱহাৰ্য।
উল্লেখ্য যে, কেৱল এই বছৰেই নহয় প্ৰতিবছৰেই এইদৰে বিভিন্ন ধৰণৰ পেলনীয়া সামগ্ৰীৰে প্ৰতিমা নিৰ্মাণ কৰি আহিছে বাসাকে। পেলনীয়া বটল, কাপ, চামুছ, তাঁৰ, দিয়াশলাই কাঠি আদিৰে নিৰ্মাণ কৰিছে প্ৰতিমা।
২০১৯ চনত দিয়াশলাই কাঠিৰে ১২ ফুট ওখ, ১৪ ফুট বহল দুৰ্গা প্ৰতিমা নিৰ্মাণ কৰি ইণ্ডিয়া বুক অৱ ৰেকৰ্ডত নাম সন্নিবিষ্ট কৰিছে। ইয়াৰ উপৰিও ১৬০ কেজি পেলনীয়া তাঁৰ ব্যৱহাৰ কৰি দুৰ্গাৰ প্ৰতিমা নিৰ্মাণ কৰি অসম বুকছ অৱ ৰেকৰ্ডনো নাম সন্নিবিষ্ট কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
