অসম লাইভ ২৪ঃ বলীউডত খান পৰিবাৰৰ প্ৰতিপত্তিৰ কথা সকলোৱে জানে৷ আৰবাজ খানৰ সৈতে বিবাহ কৰোৱাৰ পিছতেই খান পৰিবাৰৰ সৈতে নাম সাঙোৰ খাই পৰিছিল মালাইকা আৰোৰাৰো৷ যদিও দুয়ো একেলগে নাই তাৰপিছতো দুয়োৰে নাম বৰ্তমানো চৰ্চা হয়৷ বিবাহ বিচ্ছেদৰ পাছতো দুয়োৰে মাজত মিলা-মিছা অটুত আছে৷ আৰবাজৰ সৈতে বিয়া কৰোৱাৰ সময়ত মালাইকাই কেৰিয়াৰ আৰম্ভ কৰিছিলহে মাত্ৰ৷ প্ৰায় ১৯ বছৰীয়া দাম্পত্য জীৱন দুয়োৰে৷ ১৯ বছৰীয়া দাম্পত্য জীৱনত যতি পৰি ২০১৬ চনত বিচ্ছেদ হয় দুয়োৰে৷
বিবাহ বিচ্ছেদ হোৱাৰ লগে লগেই মালাইকাই লৈ পেলাইছিল অদ্ভুত সিদ্ধাম্ত৷ আৰবাজৰ সৈতে একেলগে প্ৰডাকশ্ব্যনৰ কাম কৰিছিল যদিও সকলোবোৰ ত্যাগ কৰে মালাইকাই৷ জীৱনটোক সকলো ফালেৰেই ন’কৈ আৰম্ভ কৰাৰ সিদ্ধান্ত ল’লে মালাইকাই৷ সেই সময়ছোৱাত সকলোৱেই মালাইকাক কৈছিল যে খান পৰিবাৰৰ সৈতে হঠাতেই সকলো সম্পৰ্ক বিচ্ছেদ কৰি মালাইকাই ভুল সিদ্ধান্ত লৈছে৷ বিচ্ছেদ হ’লেও ব্যৱসায়িক দিশৰ সম্পৰ্কবোৰ ছেদ কৰিব নালাগে৷ কিন্তু কাৰো কথাই শুনিবলৈ বাধ্য নহ’ল মালাইকা৷ নিজৰ নামৰ পৰা খান উপাধি আঁতৰাই পেলোৱা মালাইকাই সকলোকে জনাই দিলে যে মালাইকা এতিয়া সম্পূৰ্ণ স্বাধীন৷ কেৰিয়াৰো স্বাধীনভাৱেই চলাই নিব৷
সম্প্ৰতি এক সাক্ষাৎকাৰত মালাইকাই এই সন্দৰ্ভত কয়, ‘আৰবাজৰ সৈতে বিচ্ছেদৰ পিছত সকলোৱে মোক কৈছিল কান পৰিয়ালৰ সৈতে সম্পৰ্ক বিচ্ছেদ নকৰিব৷ কাৰণ বলীউডত খান পৰিবাৰৰ এক মহত্ব আছে৷ মই সকলোবোৰ ত্যাগ কৰাৰ পাছতো বহুতে ভাৱে যে মই খান পৰিয়ালৰ ছত্ৰচায়াতেই বলীউডত প্ৰতিষ্ঠিত হৈছো৷ কিন্তু এয়া সম্পূৰ্ণ সঁচা নহয়৷ মিছা বুলিও মই নকও কাৰণ মোক এই পৰিচয়ে সুকীয়া অস্তিত্ব দিছে৷ কিন্তু পৰিচয় লৈয়েই মই কাম নকৰাকৈ এই সফলতা পোৱা নাই৷ প্ৰতিযোগিতাৰ এই ফিল্ডত টিকি থাকিবলৈকে মই সংগ্ৰামো কৰিছো৷ নিজকে প্ৰমাণ কৰিবলৈ মই বহু কষ্টও কৰিছো৷’
আৰবাজৰ সৈতে সম্পৰ্ক বিচ্ছেদৰ পাছতেই মালাইকাই তেওঁতকৈ ১২ বছৰে সৰু অৰ্জুন কাপুৰৰ সৈতে প্ৰেমৰ সম্পৰ্ক গঢ়ি তুলিছে৷ প্ৰথমে এই সম্পৰ্কৰ কথা দুয়োৱেই স্বীকাৰ কৰা নাছিল যদিও শেহতীয়াভাৱে দুয়োৱে মুকলিকৈ একেলগে চলা-ফিৰা কৰিবলৈ আৰম্ভ কৰিছে৷ এই সম্পৰ্কক লৈ সামাজিক মাধ্যমতো দুয়োৱে মুকলিকৈ সকলো শ্বেয়াৰো কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
