উত্তৰাখণ্ডৰ ডেৰাডুনৰ দৈৱালা অঞ্চলত একেটা পৰিয়ালৰে পাঁচগৰাকী সদস্যক নৃশংসভাৱে হত্যা কৰাৰ এক চাঞ্চল্যকৰ ঘটনা পোহৰলৈ আহিছে। প্ৰকাশিত খবৰ মতে এগৰাকী লোকে নিজ মাতৃ, পত্নী, আৰু তিনি কন্যাসহ পাঁচগৰাকী লোকক নৃশংসভাৱে হত্যা কৰিছে৷
এই লোমহৰ্ষক হত্যাকাণ্ডৰ ঘটনা পোহৰলৈ অহাৰ পিছতে সমগ্ৰ উত্তৰাখণ্ডতে চাঞ্চল্যৰ সৃষ্টি হৈছে৷ ইপিনে আৰক্ষীয়ে অভিযুক্ত লোকজনক গ্ৰেপ্তাৰ কৰি ঘটনাৰ সন্দৰ্ভত জেৰা অব্যাহত ৰাখিছে৷
ঘটনাৰ পিছতে ঘটনাস্থলীত উপস্থিত হৈ এছ এছ পি দলিপ সিং কোঁৱৰ আৰু এছ পি দেহাট কমলেশ উপাধ্যায় ঘটনা সন্দৰ্ভত প্ৰকাশ কৰি কয় যে মহেশ কুমাৰ নামৰ লোকজন কৰ্মহীন আছিল৷ তেওঁৰ ভাতৃয়ে ঋষিকেশত থাকে আৰু তেৱেঁ পৰিয়াল পোহ-পাল দিবলৈ ধনৰ যোগান ধৰি আহিছিল৷
লগতে পঢ়ক কঁকালৰ বিষ আৰু শ্লীপ ডিস্কৰ সমস্যা আৰু ইয়াৰ পৰা উপশম পোৱাৰ উপায়
ইফালে অভিযুক্ত মহেশ কুমাৰে পূজা পাতলো কৰে৷ ৪৭ বছৰীয়া মহেশৰ মাতৃ মানসিকভাৱে অসুস্থ হোৱাৰ লগতে এগৰাকী কন্যা প্ৰতিবন্ধী আছিল৷
ঘটনাৰ আগদিনা মহেশ কুমাৰে পূজা পাতলতে ব্যস্ত আছিল আৰু পত্নীৰ সামান্য কথাতে কাজিয়াৰ সূত্ৰপাত হৈছিল৷ ঘটনাৰ দিনাৰ পুৱাও সেই কাজিয়া শেষ হোৱা নাছিল৷ পুৱাৰ আহাৰ গ্ৰহণক কেন্দ্ৰ কৰি পুনৰ পত্নীৰ সৈতে মহেশ কুমাৰৰ পুনৰ কাজিয়াৰ সূত্ৰপাত হয়৷
ইয়াৰ পাছতে এক চোকা অস্ত্ৰেৰে মহেশ কুমাৰে মাতৃ বিতন দেৱী (৭৫), পত্নী নীতু দেৱী (৩৬), কন্যা ক্ৰমে অপৰ্ণা (১৩), স্বৰ্ণ ওৰফে গুল্লো (১১), আৰু অন্নপূৰ্ণা (৯)ক ডিঙি কাটি হত্যা কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
