মণিপুৰত গঠন হ’ব নেকি নতুন চৰকাৰ, ৰাজ্যপালক সাক্ষাত BJP-NPPৰ বিধায়কৰ
বিজেপিৰ মুখ্যমন্ত্ৰী এন বীৰেণ সিঙৰ পদত্যাগৰ পিছতে মণিপুৰত আৰম্ভ হৈছিল ৰাষ্ট্ৰপতিৰ শাসন। তাৰ পাছতে আৰম্ভ হৈছিল বহুতৰে মনত প্ৰশ্ন, কেতিয়াকৈ অন্ত পৰিব ৰাষ্ট্ৰপতি শাসন আৰু কেতিয়া মণিপুৰে পাব নতুন মুখ্যমন্ত্ৰী।
তাৰে মাজতে আজি ৰাজ্যপাল অজয়কুমাৰ ভল্লাক সাক্ষাৎ কৰিছে বিজেপিকে ধৰি অন্যান্য দলৰ ১০জন বিধায়কে। এই আটাইকেইজন বিধায়কে ৰাজ্যত চৰকাৰ গঠনৰ দাবী উত্থাপন কৰাৰ ইংগিত। এই ১০ জন বিধায়কৰ ভিতৰত বিজেপিৰ ৮ জন, এন পি পিৰ ১ জন আৰু এজন নিৰ্দলীয় বিধায়ক।
সংবাদ সংস্থা এএনআইৰ তথ্য অনুসৰি ৰাজ্যপালক সাক্ষাৎ কৰিবলৈ ইম্ফলৰ ৰাজভৱনত উপস্থিত বিজেপিৰ ৮জন আৰু এনপিপিৰ ১জন বিধায়ক। কিন্তু চৰকাৰ গঠন সন্দৰ্ভত বিজেপি হাইকমাণ্ডে কোনো সিদ্ধান্তত উপনীত হ’ব নোৱাৰিলে।
চৰকাৰ গঠনৰ দাবী উত্থাপন কৰিবলৈ অহা বিধায়কসকলে কয় যে তেওঁলোকৰ ওচৰত ২২ জন বিধায়কৰ সমৰ্থন আছে। কিন্তু মণিপুৰত মুঠ ৬০খন বিধানসভাৰ আসন। এনে পৰিস্থিতিত চৰকাৰ গঠন কৰিবলৈ ৩১ জন বিধায়কৰ প্ৰয়োজন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
