বহুদিন বক্ৰী চলনত থকাৰ পাছত এইবাৰ মাৰ্গী হৈছে বুধ৷ অৰ্থাৎ বিপৰীতমুখী চলন এৰি এইবাৰ চিধা পথেৰে গমন কৰিবলৈ আৰম্ভ কৰিছে সূৰ্যৰ নিকটতম গ্ৰহ বুধে৷ ১১ আগষ্টৰ পৰা কৰ্কট ৰাশিত বুধৰ মাৰ্গী চলন আৰম্ভ হৈছে৷ জ্যোতিষ গণনা অনুসৰি যেতিয়া কোনো গ্ৰহি বক্ৰী চলন এৰি চিধা পথলৈ আহে তেতিয়াই সেই গ্ৰহৰ শুভ প্ৰভাৱ বিস্তাৰ কৰাৰ ক্ষমতা বাঢ়ি যায়৷ বুধৰ এই মাৰ্গী চলনৰ ফলত নানান দিশৰ পৰা লাভৱান হব কোনো কোনো ৰাশিৰ জাতক৷ জানি থওক মাৰ্গী বুধৰ প্ৰভাৱত সাফল্য লাভ কৰিব কোন কোন ৰাশিৰ জাতকে?
মেষ ৰাশি
মেষ ৰাশিৰ চতুৰ্থ ঘৰত মাৰ্গী হৈছে বুধ৷ মাৰ্গী বুধৰ এই উপস্থিতিয়ে লাভজনক প্ৰভাৱ পেলাব মেষ ৰাশিৰ জাতকৰ জীৱনত৷ এই সময়ত পিতৃ মাতৃৰ সৈতে আপোনাৰ সম্পৰ্কৰ উন্নতি হব৷ সম্পত্তি সংক্ৰান্তিয় বিষয়ত সাফল্য পাব৷ বুধৰ চিধা চলনৰ শুভ প্ৰভাৱত সমাজত প্ৰভাৱশালী ব্যক্তিৰ সৈতে আপোনাৰ ঘনিষ্ঠতা বাঢ়িব৷
মিথুন ৰাশি
মিথুন ৰাশিৰ দ্বিতীয় ঘৰত অৱস্থান কৰিছে মাৰ্গী বুধে৷ এই পৰিস্থিতিত লেখাপঢ়াত ভাল ফল কৰাৰ সুযোগ পাব মিথুন ৰাশিৰ জাতকে৷ এই সময়ত কথাৰ মাধুৰ্য আৰু বুদ্ধি বাঢ়িব৷ ফলত বহুতৰে সৈতে আপোনাৰ সম্পৰ্কৰ উন্নতি হব৷ আত্মীয়ৰ সৈতে সম্পৰ্ক আৰু মধুৰ হব৷
কন্যা ৰাশি
কন্যা ৰাশিৰ একাদশ ঘৰত মাৰ্গী হৈছে বুধ৷ কন্যা ৰাশিৰ অধিপতি গ্ৰহ বুধে চিধা পথ এৰাৰ ফলত নানান দিশৰ পৰা লাভৱান হব এই ৰাশিৰ জাতক৷ এই সময়ত অতিৰিক্ত উপাৰ্জন কৰাৰ সুযোগ পাব৷ ব্যৱসায়ত লাভ বাঢ়িব৷ চাকৰিত পদোন্নতি আৰু দৰমহা বৃদ্ধি হব পাৰে৷ সন্তানৰ দিশৰ পৰা কোনো সুখবৰ পাব পাৰে৷
তুলা ৰাশি
তুলা ৰাশিত দশম গোচৰ কৰিছে মাৰ্গী বুধে৷ এই পৰিস্থিতিত আপুনি কেৰিয়াৰত বৃহৎ উন্নতি কৰাৰ সুযোগ পাব৷ ব্যৱসায়তো বৃহৎ সাফল্য লাভ কৰিব পাৰিব তুলা ৰাশিৰ জাতকে৷ সমাজত আপোনাৰ সন্মান আৰু প্ৰতিপত্তি বাঢ়িব৷ কৰ্মক্ষেত্ৰত যি কামতেই হাত দিব তাতেই সাফল্য পাব৷ পাৰ্টনাৰৰ সৈতেও কোৱালিটি টাইম কটাব৷
ধনু ৰাশি
ধনু ৰাশিৰ অষ্টম ঘৰত মাৰ্গী হৈছে বুধ৷ ইয়াৰ প্ৰভাৱত হঠাৎ নানান দিশৰ পৰা লাভৱান হব ধনু ৰাশিৰ জাতক৷ অলপ পৰিশ্ৰম কৰিয়েই বৃহৎ সাফল্য লাভ কৰিব পাৰিব৷ ইয়াৰোপৰি সন্মান আৰু প্ৰতিপত্তি লাভ কৰিব৷ কেৰিয়াৰত নিজৰ এক বিশেষ পৰিচিতি গঢ়ি তুলিব পাৰিব৷ আৰ্থিকভাৱেও লাভৱান হব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
