অসম লাইভ ২৪ঃ ফুটবল মানেই উত্তেজনা। ফিফাৰ সৈতে বিশ্ববাসীৰ একাত্মতা বহুদিনীয়া। এই হাৰো, এই জিকো বিশ্ববাসীৰ হাৰ্টবিটৰ পৰীক্ষা। ফ্ৰান্স বনাম আৰ্জেণ্টিনা। শ্বাসৰূদ্ধকৰ যুঁজত ট্ৰফী জিলিকিল আৰ্জেণ্টিনাৰ হাতত। এয়া মেছিপ্ৰেমীৰ বাবে সপোন সপোন লগা বাস্তৱ।
৩৬ বছৰৰ অন্তত আৰ্জেণ্টিনাৰ হাতলৈ ফিফা বিশ্বকাপ। মাৰাডোনাৰ পিছত ফুটবলৰ ৰাজকুমাৰ বুলি সকলোৱে নাম লয় মেছিৰ। ৩৫ বছৰীয়া বৰ্ণিল যাত্ৰাত মেছিয়ে সকলো পাইছে, পোৱা নাছিল কেৱল বিশ্বকাপ হাতত তুলি লোৱাৰ সুযোগ। বৰ্ণিল যাত্ৰা সামৰাৰ সময়ত মেছিয়ে ৰাজকীয় ল’লে বিদায় আৰ্জেণ্টিনা দলৰ পৰা। দলৰ হাতত তুলি দিলে সোণালী স্বপ্ন।
ফ্ৰান্সৰ দুৰ্দান্ত প্ৰদৰ্শনত নেওচি মেছিবাহিনীয়ে ইতিহাসত লিপিবদ্ধ কৰিলে নিজৰ নাম। বিশ্বকাপৰ সোণালী কাপত চুমা দি মেছিয়ে চিঞৰি ক’লে, ‘বিদায়, বিদায়…’
আজিৰ পৰা ১৯ বছৰ পূৰ্বে স্পেইনৰ অন্যতম ক্লাব বাৰ্ছিলোনাৰ হৈ জীৱনৰ প্ৰথমখন খেলত অৱতীৰ্ণ হৈছিল মেছি । তেতিয়াৰ পৰাই নিজৰ যাদুৰে বিশ্ববাসী তথা ফুটবলপ্ৰেমীৰ মনত মেছিৰ আসন সুকীয়া। হাতত সোণালী ট্ৰফীলৈ প্ৰিয় তাৰকাই বিদায় লোৱাৰ ক্ষণত দুচকু সেমেকি উঠিল বিশ্বৰ কোটি কোটি ফুটবলপ্ৰেমী জনতাৰ।
কেৱল দুভৰিৰ যাদুৰে বিগত ১৯ বছৰে মেছিয়ে সন্মোহিত কৰি ৰাখিলে সমগ্ৰ বিশ্বক। বিদায় ক্ষণতো দি গ’ল দেশক সৰ্বশ্ৰেষ্ঠ উপহাৰ। যি উপহাৰ আৰ্জেণ্টিয়াই কিয় বিশ্ববাসীয়েই ফুটবল বুলিলেই সোৱঁৰিব কাটাৰৰ এই শ্বাসৰূদ্ধকৰ মেছখনক। আৰ্জেণ্টিনাৰ হাতত সৰ্বশ্ৰেষ্ট উপহাৰটি তুলি দি ১৮ ডিচেম্বৰ ২০২২। এয়াই শেষ, এতিয়াৰে পৰা নীলা-বগা ১০ নং জাৰ্চীত আৰু কোনোৱে নেদেখিব ফুটবলৰ ৰাজকুমাৰক।
বিদায়….BEST PLAYER OF THE PLANET
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
