অসম লাইভ ২৪ঃ এলন মাস্কৰ সপোন মঙল গ্ৰহত বসতি স্থাপন কৰা৷ কিন্তু সেই সপোন কেতিয়ালৈ সফল হ’ব সেই কথা নিশ্চিত নহয় যদিও শীঘ্ৰেই অন্য এখন বিশ্বত প্ৰৱেশ কৰিব পাৰিব পৃথিৱীবাসী৷ প্ৰস্তুতি ইতিমধ্যেই সম্পন্ন হৈছে৷ সেই বিশ্ব হৈছে METAVERSE বিশ্ব৷ মেটাভাৰ্চ এক ভাৰ্চুৱেল বিশ্ব য’ত প্ৰকৃত বিশ্বত সম্ভৱ সকলো কামেই উপভোগ কৰিব পাৰিব আপুনি৷
মেটাভাৰ্চত মাটি কিনি নিজৰ বাবে ঘৰ সাজিবও পাৰিব আপুনি৷ আপুনি যদি এগৰাকী গায়ক তেন্তে কনচাৰ্ট আয়োজন কৰিব পাৰিব৷
মুঠতে প্ৰকৃত বিশ্বৰ দৰেই সকলো সম্ভৱ ভাৰ্চুৱেল বিশ্ব মেটাভাৰ্চত৷ এক কথাত, আগন্তুক ৫ ৰ পৰা ১০ বছৰৰ ভিতৰত ইণ্টাৰনেট ব্যৱহাৰৰ প্ৰক্ৰিয়া সম্পূৰ্ণৰূপে সলনি হৈ পৰিব৷ আৰু বিশ্ববাসী মেটাভাৰ্চ অৰ্থাৎ অন্য এখন বিশ্বলৈ গতি কৰিব৷ শেহতীয়াকৈ ফেচবুকে নিজৰ নাম ‘মেটা’লৈ সলনি কৰিছে আৰু লোকসকলে ফেচবুকৰ সৈতে মেটাভাৰ্চক সংযুক্ত কৰিছে ৷
প্ৰকৃততে সেয়া নহয়, মেটাভাৰ্চ এখন সম্পূৰ্ণ পৃথক বিশ্ব৷ পৃথক প্ৰযুক্তিৰ ব্যৱহাৰৰ জৰিয়তে তৈয়াৰ কৰা হৈছে এই ভাৰ্চুৱেল বিশ্বক৷ ইতিমধ্যেই আৰম্ভ হৈছে মেটাভাৰ্চত বাৰ্চুৱেল লেণ্ড বিক্ৰীৰ প্ৰক্ৰিয়া৷ কোটি টকাত বিক্ৰী হৈছে একো একোটা প্লট৷ ফেচবুক আৰু মাইক্ৰছ’ফ্টৰ দৰে বৃহৎ কোম্পানীয়ে মেটাভাৰ্চত নিৱেশ কৰিছে আৰৱ ডলাৰ৷ উল্লেখ্য, মেটাভাৰ্চ অৰ্থাৎ ভাৰ্চুৱেল বিশ্ব ইক’চিষ্টেমৰ Decentraland অনলাইন পৰিবেশত আছে, য’ত ভাৰ্চুৱেল লেণ্ড, ভাৰ্চুৱেল প্লট ক্ৰয় কৰা আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
