অসম লাইভ ২৪ঃ কোভিডৰ শেহতীয়া তথা সংক্ৰামক অমিক্ৰণ ভেৰিয়েণ্টক লৈ স্বাভাৱিকতেই উদ্বিগ্ন বিশ্ববাসী৷ সমগ্ৰ বিশ্বৰ লগতে ভাৰতেও যাৱতীয় সতৰ্কতা অৱলম্বন কৰিছে অমিক্ৰণৰ বিৰুদ্ধে৷ ইতিমধ্যে ভাৰততো ২৩৬ লৈ বৃদ্ধি পাইছে সংক্ৰমণৰ ঘটনা৷ দক্ষিণ আফ্ৰিকাত প্ৰথমবাৰলৈ অমিক্ৰণ ভেৰিয়েণ্ট চিনাক্ত কৰা চিকিৎসক ডাঃ এঞ্জেলিকে সদৰী কৰা অনুসৰি, ক্ৰমান্বয়ে বৃদ্ধি পাইছে অমিক্ৰণৰ ভয়াৱহতা৷ ইতিমধ্যে অমিক্ৰণক ‘ভেৰিয়েণ্ট অৱ কনচাৰ্ণ’ ঘোষণা কৰে বিশ্ব স্বাস্থ্য সংস্থাই৷ বিশ্বজুৰি জাৰি কৰা হৈছে কোভিড বিধি৷ এনে পৰিস্থিতিত চিকিৎসক ডাঃ এঞ্জেলিয়াই ৰাষ্ট্ৰীয় সংবাদ মাধ্যমত ১০ টা গুৰুত্বপূৰ্ণ প্ৰশ্ন সংক্ৰান্তত সদৰী কৰিছে বিশেষ তথ্য৷
- যদি পৰিয়ালৰ এজন ব্যক্তি সংক্ৰমিত হয়, তেন্তে বাকীসকল সুৰক্ষিত নে?
চিকিৎসকগৰাকীয়ে প্ৰকাশ কৰা তথ্য অনুসৰি, অমিক্ৰণৰ ঘৰুৱা সংক্ৰমণৰ আশংকা অধিক৷ এজন ব্যক্তি সংক্ৰমিত হ’লে বাকীসকললৈ সংক্ৰমণ হোৱাটো নিৰ্ধাৰিত৷
- কম লক্ষণযুক্ত ৰোগীক হাস্পতালত ভৰ্তি কৰোৱাটোও জৰুৰী নেকি?
কম লক্ষণযুক্ত ৰোগীকো উপযুক্ত পৰিসেৱা প্ৰদান কৰা উচিত৷ সংক্ৰমণৰ বৰ্ধিত হাৰৰ প্ৰতি লক্ষ্য ৰাখি ভাইৰাছৰ লক্ষণ দেখা পালেই চিকিৎসকৰ কাষ চপা উচিত৷
- অন্য ভেৰিয়েণ্টৰ তুলনাত কিছু লোকৰ বাবে অমিক্ৰণ অধিক বিপজ্জনক নেকি?
ডাঃ এঞ্জেলিনাৰ মতে, ভাইৰেল সংক্ৰণক তুলনা কৰিব পৰা নাযায়৷ যদি কোনো ব্যক্তিৰ ওজন প্ৰয়োজনতকৈ অধিক আৰু ভেকচিন গ্ৰহণ কৰা নাই, তেন্তে সেই ব্যক্তিৰ ক্ষেত্ৰত অমিক্ৰণ সংক্ৰমণৰ আশংকা অধিক৷
- অমিক্ৰণৰ প্ৰাৰম্ভিক লক্ষণ কি কি?
চিকিৎসকৰ মতে, অমিক্ৰণ সংক্ৰমণৰ প্ৰাৰম্ভিক লক্ষণ মাংসপেশীৰ বিষ৷ অমিক্ৰণত আক্ৰান্ত হ’লে প্ৰথম অৱস্থাত কাহ বা জ্বৰ নহয়৷ পিঠিৰ তলৰ অংশৰ বিষ অমিক্ৰণৰ শেহতীয়া লক্ষণ৷ কাহৰ পৰিৱৰ্তে মাংসপেসীৰ বিষ ইয়াৰ মূল লক্ষণ৷ ইয়াৰ উপৰি শৰীৰত বিষ, ভাগৰ আৰু মূৰৰ বিষ অমিক্ৰণৰ লক্ষণ৷
- বাহিৰত ওলোৱা সুৰক্ষিত নে?
কেৱল বজাৰ বন্ধ কৰিলেই অমিক্ৰণৰ পৰা সুৰক্ষিত থাকিব নোৱাৰি৷ অমিক্ৰণৰ বিৰুদ্ধে প্ৰতিষেধক প্ৰাথমিক ৰক্ষা কৱচ৷ চিকিৎসালত ৰোগীৰ সংখ্যা বৃদ্ধি তাৎক্ষণিক ব্যৱস্থা গ্ৰহণ কৰা উচিত৷
- কোভিড আৰু নিউমুনিয়াৰ মাজত সম্বন্ধ আছে নেকি?
ইয়াৰ উত্তৰত তেওঁ কয়, অমিক্ৰণ ভেৰিয়েণ্টে শ্বস-প্ৰশ্বাস প্ৰণালীত আক্ৰমণ কৰে৷ ব্যক্তিগৰাকীৰ নিউমুনিয়াতো আক্ৰান্ত হ’ব পাৰে৷ কিন্তু এনে ঘটনা তুলনামূলকভাৱে কম পোৱা গৈছে৷
- অমিক্ৰণ বিৰুদ্ধে বুষ্টাৰ ড’জৰ প্ৰাসংগিকতা কিমান?
ডাঃ এঞ্জেলিয়াই কোভিড ভেকচিনৰ বুষ্টাৰ ড’জ গ্ৰহণ কৰিবলৈ সকলোকে আহ্বান জনাইছে৷ লগতে তেওঁ কয় যে ভাৰতক বুষ্টাৰ ড’জৰ প্ৰয়োজন৷
- অমিক্ৰণৰ বিৰুদ্ধে লকডাউনৰ প্ৰয়োজনীয়তা কিমান গুৰুত্বপূৰ্ণ?
উৎসৱৰ বতৰৰ পাছতেই অমিক্ৰণ সংক্ৰমণৰ ঘটনা বৃদ্ধি পোৱাৰ আশংকা আছে৷ এনেক্ষেত্ৰত লকডাউনে সকাহ নিদিয়ে৷ ভাইৰাছ সকলোতে বিয়পি আছে৷ আমি ভাইৰাছৰ সৈতে আছো যদিও ইয়াৰ পৰা বাছি তাকিবলৈ প্ৰয়োজনীয় ব্যৱস্থা গ্ৰহণ কৰা উচিত৷
লগতে তেওঁ উল্লেখ কৰে যে, বৰ্তমান অমিক্ৰণ যি গতিত সংক্ৰমিত হৈছে তাৰ প্ৰতি লক্ষ্য ৰাখি প্ৰতিগৰাকী ব্যক্তিয়ে সাৱধানতা অৱলম্বন কৰা উচিত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
