প্ৰতিবাদ কৰিবলৈ গৈ ছুপ্ৰিম কৰ্টৰ নিৰ্দেশনা উলংঘন কৰিছে৷ সামাজিক মাধ্যম জুৰি ভাইৰেল নিৰ্যাতিতাৰ নাম আৰু পৰিচয়৷ বিষয়টোক নজৰ দিছে এতিয়া কলকাতা হাইকৰ্টে৷ ছুপ্ৰিম কৰ্টৰ তৰফৰ পৰা আৰ জি কৰ কাণ্ডৰ নিৰ্যাতিতাৰ নাম পৰিচয় গোপন কৰাৰ নিৰ্দেশ দিয়া হৈছে৷ এইবাৰ বিষয়টোত নজৰ দিছে কেন্দ্ৰীয় ইলেকট্ৰনিক্স আৰু তথ্য প্ৰযুক্তি মন্ত্ৰণালয়ৰ তৰফৰ পৰাও৷
জনা গৈছে যে বুধবাৰে কেন্দ্ৰীয় তথ্য প্ৰযুক্তি মন্ত্ৰণালয়ৰ তৰফৰ পৰা প্ৰেছ বিজ্ঞাপ্তি জাৰি কৰি আৰজি কৰ হাস্পতালত নিৰ্যাতিতা চিকিৎসকৰ পৰিচয়, নাম ছবি সকলো অচিৰেই মছি পেলাওক অন্যথা ডিজিটেলৰ ওপৰত কঠোৰ হ’ব প্ৰশাসন৷ ফেছবুক, ইনষ্টাগ্ৰাম, এক্স, হোৱাটছএপসহ সমস্ত ছচিয়েল মিডিয়াত যাতে কোনোৱে নাম আৰু পৰিচয় ৰাজহুৱা নকৰে তাৰ বাবে কাঢ়া নিৰ্দেশ দিছে কেন্দ্ৰই৷ এই নিৰ্দেশ অমান্য কৰিলেই তথ্য আৰু প্ৰযুক্তি মন্ত্ৰণালয়ে ছাইবাৰ আইনৰ সহায় ল’ব বুলিও জনাইছে৷
ইয়াৰ পূৰ্বে বিগত ২০ আগষ্টত উচ্চতম ন্যায়ালয়ৰ প্ৰধান ন্যায়াধীশ ডিৱাই চন্দ্ৰচূড় আৰু ন্যায়াধীশ জেবি পাদৰিৱালা আৰু ন্যায়াধীশ মনোজ মিশ্ৰৰ নিৰ্দেশতো স্পষ্টভাৱে উল্লেখ কৰা হৈছে যে নিৰ্যাতিতাৰ নাম আৰু পৰিচয়, ছবি আনকি দেহ উদ্ধাৰৰ পাছতো ছবি সামাজিক মাধ্যমত প্ৰকাশ নকৰিবলৈ নিৰ্দেশ দিয়া হৈছে৷ সমস্ত সামাজিক মাধ্যমৰ প্লেটফৰ্ম আৰু ইলেক্ট্ৰনিক মিডিয়াৰ পৰা নিৰ্যাতিতাৰ ছবি, ভিডিঅ’ ক্লিপ আৰু নাম পৰিচয় মছি পেলাবলৈ নিৰ্দেশ দিছে কেন্দ্ৰীয় মন্ত্ৰণালয়ে৷
তথ্য প্ৰযুক্তি মন্ত্ৰণালয়ৰ নিৰ্দেশনাত কোৱা হৈছে যে, ছুপ্ৰিম কৰ্টৰ নিৰ্দেশনামতে নিৰ্যাতনৰ বলি হোৱা ব্যক্তিৰ মৰ্যাদা আৰু গোপনীয়তা ৰক্ষাৰ বাবে আমি আদালতৰ ৰায় মানি কঠোৰ হ’বলৈ বাধ্য হৈছো৷ সমস্ত ছচিয়েল মিডিয়া প্লেটফৰ্মক প্ৰয়োজনীয় পদক্ষেপ গ্ৰহণ কৰাৰ কথা কোৱা হৈছে৷ ছুপ্ৰিম কৰ্টৰ নিৰ্দেশ অমান্য কৰিলে আইনী পদক্ষেপ ল’বলৈ বাধ্য হম৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
