অসম লাইভ ২৪ঃ ক’ভিড ভেকচিন ল’ব প্ৰধানমন্ত্ৰী নৰেন্দ্ৰ মোদীয়ে। দ্বিতীয় পৰ্যায়ত ক’ভিডৰ টিকা গ্ৰহণ কৰিব প্ৰধানমন্ত্ৰীগৰাকীয়ে। কেৱল প্ৰধানমন্ত্ৰীয়ে নহয়, দেশৰ সকলো ৰাজ্যৰ মুখ্যমন্ত্ৰীয়ে দ্বিতীয় পৰ্যায়ত গ্ৰহণ কৰিব ক’ভিডৰ টিকা। উল্লেখযোগ্য যে, প্ৰধানমন্ত্ৰী মোদীয়ে ক’ভিডৰ টিকা নোলোৱাৰ বাবে অনেকেই তেওঁক সমালোচনা কৰিছিল। সেয়েহে সাধাৰণ জনতাক ক’ৰোনা প্ৰতিষেধকৰ প্ৰতি বিশ্বাস জন্মাবৰ বাবে এই পদক্ষেপ হাতত ল’ব প্ৰধানমন্ত্ৰীয়ে।
ভাৰতত প্ৰথম পৰ্যায়ত ক’ভিড যোদ্ধাসকলক এই টিকা প্ৰদান কৰা হৈছে। ২০ জানুৱাৰীপৰ্যন্ত ৭,৮৬,৮৪২ জন লোকক দিয়া হৈছে ক’ভিডৰ টিকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
