অসম লাইভ ২৪ঃ দেওবাৰে আয়োজন হৈছিল rssৰ ‘হিন্দুস্তানী প্ৰথম হিন্দুস্তান প্ৰথম’ শীৰ্ষক এক কাৰ্যসূচী। এই কাৰ্যসূচীতে rss প্ৰধান মোহন ভাগৱতে ক’লে- ‘সকলো ভাৰতীয়ৰ dna আৰু ভাৰতত মুছলমানসকল সুৰক্ষিত। আমি এক লোকতন্ত্ৰত বসবাস কৰো, ইয়াত হিন্দু আৰু মুছলমানৰ প্ৰভুত্ব নচলে। ইয়াত কেৱল ভাৰতীয়ৰহে প্ৰভুত্ব চলিব।’ লগতে rss প্ৰধানগৰাকীয়ে ক’লে- মানুহৰ মাজত পূজা-অৰ্চনাৰ পদ্ধতি পৃথক হ’ব পাৰে। কিন্তু পদ্ধতি পৃথক হ’লেও মানুহক পৃথক কৰিব পৰা নাযায়। ৪০ হাজাৰ বৰ্ষৰ পৰাই আমাৰ পূৰ্বজসকল একে বংশৰে আছিল আৰু এই কথা ইতিমধ্যে প্ৰমাণো হৈছে। নতুন দিল্লীৰ এখন সভাত rss প্ৰধানগৰাকীয়ে কৰা এই মন্তব্যই এতিয়া দেশজুৰি প্ৰতিক্ৰিয়াৰ সৃষ্টি কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
