শুনিবলৈ আচৰিত লাগিলেও এয়াই সঁচা৷ বিশ্বজুৰি বিভিন্ন জাতি-জনজাতিৰ মাজত অদ্ভুত ৰীতি-নীতি আৰু পৰম্পৰা প্ৰচলিত আছে। পৰম্পৰাসমূহ বিশ্বাস কৰাৰ আঁৰত সকলোৰে নিজা যুক্তি আৰু আদৰ্শ আছে। কিন্তু এই অদ্ভুত ৰীতি-নীতিবোৰৰ মাজৰে এটা হৈছে কন্যাক পিতৃৰ সৈতে বিয়া কৰাই দিয়াটো।
বাংলাদেশৰ ‘মাণ্ডি’ জনজাতিৰ মাজত প্ৰচলিত এই প্ৰথা প্ৰচলিত আছে৷ এই প্ৰথা অনুসৰি কোনো পত্নীৰ স্বামীৰ মৃত্যু হ’লে সেই বিধৱা পত্নীক অন্য লোকৰ সৈতে বিয়া দিয়া হয়৷ আৰু যদি বিধৱাগৰাকীৰ সৈতে কন্যা সন্তান থাকে বা পূৰ্বৰ গৰ্ভস্থ সন্তান জন্ম দিয়ে, তেন্তে সেই কন্যা সন্তানক উক্ত পিতৃৰ সৈতে বিয়া দিয়া হয়৷ অৰ্থাৎ কন্যাগৰাকীয়ে পিতৃক স্বামী হিচাপে গ্ৰহণ কৰিব লাগে৷
লগতে পঢ়ক কংগ্ৰেছতো এতিয়া হিন্দু-মুছলমানৰ ৰাজনীতি! দলীয় সংঘাতৰ আঁৰত সাম্প্ৰদায়িক স্থিতি!
এই মাণ্ডি জনজাতিৰে অৰোলা নামৰ এগৰাকী ৩০ বছৰীয়া মহিলাই নিজৰ জীৱনৰ কাহিনী বৰ্ণানা কৰি কয় যে ‘‘মই যেতিয়া সৰু আছিলো তেতিয়াই মোৰ পিতৃৰ মৃত্যু হৈছিল। মোৰ মায়ে এজন অন্য লোকৰ সৈতে বিবাহপাশত আৱদ্ধ হৈছিল। মই সদায় ভাবিছিলো যে মোৰ দেউতা কিমান ভাল। দেউতাই মোক বহুত মৰম কৰিছিল আৰু ময়ো দেউতাক বহুত ভাল পাইছিলো।’’
ইয়াৰ পিছতে তেওঁ আৰু কয়, ‘‘যেতিয়া মই আৰু অলপ ডাঙৰ হৈছিলোঁ, মোক কোৱা হৈছিল যে যিজনক মই দেউতা বুলি ভাবি আছো, তেওঁ প্ৰকৃততে মোৰ স্বামীহে। প্ৰথমতে এই কথা মোৰ সপোন যেন লাগিছিল। কিন্তু বাস্তৱত এইটোৱেই সঁচা আছিল যে মোৰ দেউতাই মোৰ স্বামী। মোৰ ৩ বছৰ বয়সতে দেউতাৰ সৈতে বিয়া দিছিল। প্ৰচলিত কুপ্ৰথাৰ বাবে যিকোনো মূল্যত মই সেই কথা গ্ৰহণ কৰিব লগা হৈছিল।’’
লগতে পঢ়ক নিৱনুৱাৰ বাবে পুনৰ সুখবৰ! কেন্দ্ৰীয় চৰকাৰৰ বিভিন্ন পদৰ বাবে আবেদন পত্ৰ আহ্বান
পুৰণি কালত এই জনজাতিৰ লোকসকলে বিশ্বাস কৰিছিল যে স্বামীয়ে তেওঁৰ পত্নীৰ সৈতে কন্যাকো পত্নী হিচাপে ৰাখিলে মাতৃ-কন্যা দুয়ো সুৰক্ষিত হ’ব।
অৱশ্যে মাণ্ডি জনজাতিৰ মাজত প্ৰচলিত এই প্ৰথা এতিয়া লাহে লাহে কমি আহিছে৷ বৰ্তমান জনজাতিটোৰ ছোৱালীবোৰে এই কু-প্ৰথা মানি নলৈ বহু ছোৱালীয়ে অন্য ঠাইলৈ পলাই গৈছে। বিভিন্ন ক্ষেত্ৰত কৰ্মৰত হৈ তেওঁলোকে পূৰ্বৰ কুপ্ৰথাৰ পৰা মুক্ত স্বাধীন জীৱন কটাইছে। আমিও আশা কৰিছো মাণ্ডি জনজাতিৰ এই কুপ্ৰথা বিলুপ্ত হওক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
