ভাৰতীয় পেৰামিলিটাৰীত যোগদান কৰি দেশ সেৱা কৰিব বিচৰা প্ৰাৰ্থীসকলৰ বাবে ই এক সোণালী সুযোগ। সীমান্ত সুৰক্ষা বাহিনীয়ে উপ-পৰিদৰ্শক আৰু কনিষ্টবল পদৰ বাবে আবেদন আহ্বান কৰিছে।
এই খালী পদৰ অধীনত উপ-পৰিদৰ্শক আৰু কনিষ্টবলৰ ১১০টা পদত নিযুক্তি দিয়া হ’ব। গ্ৰুপ বি আৰু গ্ৰুপ চিৰ অন্তৰ্গত এই নিযুক্তিসমূহ বিএছএফৰ এছএমটি কৰ্মশালাৰ বাবে কৰা হ’ব। এই পদসমূহৰ বাবে আবেদন প্ৰক্ৰিয়া আৰম্ভ হৈছে।
বি এছ এফৰ এই অফিচিয়েল ৱেবছাইট rectt.bsf.gov.in ত গৈ প্ৰাৰ্থীসকলে অনলাইনত আবেদন কৰিব পাৰিব। আবেদনৰ শেষ তাৰিখ ১১ জুলাই ২০২২ হিচাপে নিৰ্ধাৰণ কৰা হৈছে।
লগতে পঢ়ক Google Map: আমেৰিকা জাপানৰ সৈতে একে শাৰীতে ভাৰত, ভাৰতক কি সুবিধা দিছে গুগলে?
খালী পদৰ বিৱৰণ
১) কনিষ্টবল – ৮৮ টা পদ
২) উপ পৰিদৰ্শক (বাহন মেকানিক) – ১২ টা পদ
৩) উপ পৰিদৰ্শক (অ’টো ইলেক্ট্ৰিচিয়ান) – ৪ টা পদ
৪) উপ পৰিদৰ্শক (ষ্ট’ৰ কীপাৰ) – ৬ টা পদ
বয়সৰ উৰ্ধ সীমা
এই পদসমূহত আবেদন কৰা প্ৰাৰ্থীৰ নূন্যতম বয়স ১৮ বছৰ আৰু সৰ্বোচ্চ বয়স ২৫ বছৰ হ’ব লাগিব। অৱশ্যে সংৰক্ষিত শ্ৰেণীৰ প্ৰাৰ্থীসকলক চৰকাৰী নিয়ম অনুসৰি বয়সৰ উৰ্ধ সীমা ৰেহাই প্ৰদান কৰা হ’ব।
লগতে পঢ়ক নিজৰ স্বামীক হত্যা কৰি কোনে লিখিলে ‘স্বামীক কেনেকৈ হত্যা কৰা হ’ল?’
শিক্ষাগত অৰ্হতা
১) কনিষ্টবল – এই পদৰ বাবে আবেদন কৰা প্ৰাৰ্থীয়ে যিকোনো স্বীকৃতিপ্ৰাপ্ত ব’ৰ্ডৰ পৰা দশম শ্ৰেণী উত্তীৰ্ণ হ’ব লাগিব। লগতে ঔদ্যোগিক প্ৰশিক্ষণ প্ৰতিষ্ঠানৰ পৰা প্ৰমাণ পত্ৰ বা তিনি বছৰৰ অভিজ্ঞতা থাকিব লাগিব।
২) উপ পৰিদৰ্শক- উপ পৰিদৰ্শকৰ সকলো পদৰ বাবে আবেদন কৰা প্ৰাৰ্থীয়ে যিকোনো স্বীকৃতিপ্ৰাপ্ত প্ৰতিষ্ঠানৰ পৰা অ’টো মোবাইল ইঞ্জিনিয়াৰিং, মেকানিকেল ইঞ্জিনিয়াৰিং বা ইলেক্ট্ৰিকেল ইঞ্জিনিয়াৰিংত তিনি বছৰীয়া ডিপ্লমা কৰিব লাগিব।
দৰমহা
১) উপ পৰিদৰ্শক – ৩৫,৪০০ টকাৰ পৰা ১,১২,৪০০ টকা৷
২) কনিষ্টবল – ২১,৭০০ টকাৰ পৰা ৬৯,১০০ টকা৷
নিযুক্তি প্ৰক্ৰিয়া
লিখিত পৰীক্ষা, শাৰীৰিক পৰীক্ষা আৰু চিকিৎসা পৰীক্ষাৰ ভিত্তিত এই পদসমূহৰ বাবে প্ৰাৰ্থী নিৰ্বাচন কৰা হ’ব।
লগতে পঢ়ক প্ৰেমিকাক প্ৰতাৰণা! অন্য যুৱতীৰ বাবে ৫০ লাখ টকা খৰচ! প্ৰেমিকাই কি শাস্তি দিলে প্ৰেমিকক?
কেনেকৈ কৰিব আবেদন?
১) প্ৰাৰ্থীসকলে প্ৰথমে BSF ৰ অফিচিয়েল ৱেবছাইট rectt.bsf.gov.in লৈ যাব লাগিব।
২) ইয়াৰ পিছত হোম পেজত দিয়া Current Recruitment Openings ৰ লিংকটোত ক্লিক কৰিব লাগিব।
৩) তাৰ পিছত সীমান্ত সুৰক্ষা বাহিনী, SMT WKSP ত Group-B & C Combatised পোষ্টৰ লিংকত ক্লিক কৰিব লাগিব।
৪) ইয়াৰ পিছত আপুনি apply ৰ বিকল্পটোত ক্লিক কৰক।
৫) এতিয়া অনুৰোধ কৰা সবিশেষ পূৰণ কৰি পঞ্জীয়ন প্ৰক্ৰিয়া সম্পূৰ্ণ কৰিব লাগিব।
৬) পঞ্জীয়ন কৰাৰ পিছত আবেদন পত্ৰ পূৰণ আৰম্ভ কৰিব পাৰিব।
৭) আবেদন পত্ৰ পূৰণ কৰাৰ পিছত প্ৰয়োজনীয় নথি-পত্ৰ আপলোড কৰিব লাগিব।
৮) শেষত আবেদনৰ মাচুল দিব লাগিব আৰু submit বুটামত ক্লিক কৰিব লাগিব।
৯) আবেদন পত্ৰৰ প্ৰতিলিপি প্ৰিন্ট কৰি ভৱিষ্যতে ব্যৱহাৰৰ বাবে লগত ৰাখিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
