দেশত শীঘ্ৰেই আৰম্ভ হ’ব 5G ইণ্টাৰনেট সেৱা। চৰকাৰে ইয়াৰ নিলামত অনুমোদন জনাইছে। বুধবাৰে এই কথা ঘোষণা কৰে কেন্দ্ৰীয় মন্ত্ৰী অশ্বিনী বৈষ্ণৱে। 5G স্পেকট্ৰম নিলামৰ বাবে আবেদন ৮ জুলাইৰ পৰা আৰু নিলাম ২৬ জুলাইৰ পৰা আৰম্ভ হ’ব। চলিত বৰ্ষৰ অক্টোবৰৰ পৰা চৰকাৰে 5G সেৱা আৰম্ভ কৰাৰ লক্ষ্য নিৰ্ধাৰণ কৰি লৈছে।
কেন্দ্ৰীয় মন্ত্ৰী অশ্বিনী বৈষ্ণৱে কয়, ‘‘টেলিকম সেৱা প্ৰদানকাৰীসকলৰ ব্যৱসায় কৰাৰ ব্যয় হ্ৰাস কৰাৰ বাবে কেবিনেটে আই এম টি/5G স্পেকট্ৰমৰ নিলামত অনুমোদন জনাইছে। শীঘ্ৰেই আৰম্ভ হ’ব 5G সেৱা। 4Gতকৈ প্ৰায় ১০ গুণ দ্ৰুত ৭২ গিগাহাৰ্টজৰ ওপৰৰ এই স্পেকট্ৰম ২০ বছৰৰ বাবে নিলাম কৰা হ’ব।’’
ইফালে কেন্দ্ৰীয় কেবিনেটে স্বাস্থ্যসেৱা খণ্ড, কৃষি, শক্তিত ব্যৱহাৰ কৰিবলৈ মেচিন-টু-মেচিন যোগাযোগ, ইণ্টাৰনেট অৱ থিংছ (আইঅ’টি), কৃত্ৰিম বুদ্ধিমত্তা (এআই) আদি নতুন যুগৰ প্ৰয়োগসমূহত উদ্ভাৱনক প্ৰসাৰিত কৰিবলৈ ‘ব্যক্তিগত প্ৰৱেশ নেটৱৰ্ক’ত অনুমোদন জনাইছে আৰু অন্যান্য খণ্ডসমূহৰ প্ৰতিষ্ঠা আৰু উন্নয়নত অনুমোদন দিয়াৰ সিদ্ধান্তও গ্ৰহণ কৰিছে৷
লগতে পঢ়ক নিজৰ স্বামীক হত্যা কৰি কোনে লিখিলে ‘স্বামীক কেনেকৈ হত্যা কৰা হ’ল?’
চৰকাৰে জাৰি কৰা এক প্ৰেছ বিজ্ঞপ্তিত কোৱা হৈছে যে, ‘‘প্ৰধানমন্ত্ৰী নৰেন্দ্ৰ মোদীৰ অধ্যক্ষতাত কেন্দ্ৰীয় কেবিনেটে স্পেকট্ৰম নিলামৰ বাবে দূৰসংযোগ বিভাগৰ প্ৰস্তাৱত অনুমোদন জনাইছে৷ যাৰ অধীনত জনসাধাৰণ আৰু উদ্যোগসমূহক 5G সেৱা আগবঢ়োৱাৰ বাবে সফল নিবিদাকাৰীসকলক স্পেকট্ৰম প্ৰদান কৰা হ’ব।’’
জুলাই মাহৰ শেষৰ ফালে ২০ বছৰৰ বৈধতাৰে মুঠ ৭২০৯৭.৮৫ মেগাহাৰ্টজ স্পেকট্ৰম নিলাম কৰিব চৰকাৰে। ইয়াৰ উপৰিও বিভিন্ন নিম্ন, মধ্যম আৰু উচ্চ কম্পাঙ্ক বেণ্ডৰ বাবেও অনুষ্ঠিত হ’ব স্পেকট্ৰম নিলাম।
লগতে পঢ়ক প্ৰেমিকাক প্ৰতাৰণা! অন্য যুৱতীৰ বাবে ৫০ লাখ টকা খৰচ! প্ৰেমিকাই কি শাস্তি দিলে প্ৰেমিকক?
টেলিকম খণ্ডৰ সংস্কাৰক গতি প্ৰদান কৰি কেন্দ্ৰীয় কেবিনেটে স্পেকট্ৰম নিলামৰ সৈতে জড়িত কেইবাটাও উন্নয়ন বিকল্পও ঘোষণা কৰিছে, যিয়ে ব্যৱসায়ত সহজলভ্যতা বৃদ্ধি কৰিব।
ইয়াত কোৱা হৈছে যে, ‘‘সফল নিবিদাকাৰীসকলক অগ্ৰিম ধন দিবলৈ বাধ্যতামূলক কৰা নহ’ব, আৰু প্ৰথমবাৰৰ বাবে এনে কৰা হৈছে।’’ স্পেকট্ৰমৰ বাবে পেমেণ্ট ২০ টা সমানুপাতিক বাৰ্ষিক কিস্তিত কৰা হ’ব আৰু এই অগ্ৰিম কিস্তিসমূহ প্ৰতি বছৰৰ আৰম্ভণিতে প্ৰতিষ্ঠানসমূহে পৰিশোধ কৰিব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
