নাম তেওঁৰ নেন্সি ক্ৰেম্পটন ব্ৰফী৷ বিশেষ পৰিচয় আছিল এগৰাকী লেখিকা৷ কিন্তু এতিয়া তেওঁ কেৱল এগৰাকী বিখ্যাত লেখিকাই নহয়৷ এতিয়া তেওঁৰ পৰিচয় হ’ল এগৰাকী হত্যাকাৰী৷ তাকো স্বামী হত্যাকাৰী৷
ইতিমধ্যে স্বামীক হত্যা কৰাৰ অপৰাধত ব্ৰফীয়ে কাৰাবাস খাটি আছে৷ স্বামীৰ হত্যাৰ অপৰাধত তেওঁক বিহা হৈছে যাৱজ্জীৱন কাৰাদণ্ড৷ কিন্তু আটাইতকৈ আশ্বৰ্যজনক কথাটো হ’ল যে স্বামীক হত্যা কৰাৰ সমস্ত কাহিনী লিখিহে তেওঁ লেখিকা হিচাপে প্ৰখ্যাত হৈ উঠিছিল৷
ব্ৰফীয়ে লিখা কিতাপখনৰ শিৰোণাম হ’ল ‘How to kill her husband’৷ অৰ্থাৎ ‘তেওঁৰ স্বামীক কেনেকৈ হত্যা কৰিব লাগে’৷
লগতে পঢ়ক পত্নীৰ বয়স ২৫ আৰু স্বামীৰ ৭০ বছৰ, বিয়াৰ কাৰণ ফাদিল কৰিলে পত্নীয়ে!
বিবিচিৰ এক প্ৰতিবেদন অনুসৰি অৰেগন আদালতৰ ন্যায়াধীশে লেখিকা নেন্সি ক্ৰেম্পটন ব্ৰফীক যাৱজ্জীৱন শাস্তি প্ৰদান কৰিছে। তেওঁৰ স্বামীৰ নাম আছিল ডেনিয়েল ব্ৰফি। How to kill her husband নামেৰে এখন উপন্যাস লিখা এইগৰাকী লেখিকাই এই গ্ৰন্থখন লিখাৰ সময়তো তেওঁ যে নিজৰ স্বামীক হত্যা কৰিছিল তাক কোনেও সন্দেহ কৰা নাছিল।
প্ৰকাশিত খবৰৰ মতে প্ৰায় চাৰি বছৰ পূৰ্বে লেখিকাগৰাকীয়ে স্বামীক গুলীয়াই হত্যা কৰিছিল। স্বামীক হত্যা কৰিয়েই তেওঁ সেই স্থানৰ পৰা আঁতৰি গৈছিল৷ আৰক্ষীয়ে জনোৱা মতে, হত্যাকাণ্ডৰ মাত্ৰ আধা ঘণ্টা আগতে ঘটনাস্থলীত লেখিকাগৰাকী উপস্থিত আছিল।
এই আধাৰত যেতিয়া আৰক্ষীয়ে তদন্ত আৰম্ভ কৰিলে, লাহে লাহে সমগ্ৰ ঘটনাক্ৰম পোহৰলৈ আহিল। যদিও লেখিকাগৰাকীয়ে নিজেই এই হত্যাকাণ্ডৰ বাবে নিজৰ অপৰাধ স্বীকাৰ কৰা নাছিল, কিন্তু শেহতীয়াকৈ আদালতে এই গোচৰত নেন্সীক স্বামী হত্যাৰ দোষী সাব্যস্ত কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
