ভৰা এখন সংসাৰ৷ কিন্তু সংসাৰত মন নবহিল পত্নীৰ৷ প্ৰতিবেশী কিশোৰৰ সৈতে পলাল এগৰাকী গৃহবধু৷ কিশোৰে কয় যে তেওঁ এতিয়া আইনী বিবাহ কৰাব নোৱাৰিব কিন্তু ১৮ বছৰত ভৰি দিলেই তেওঁ আইনী বিবাহ সম্পন্ন কৰিব৷ আৰম্ভ কৰিব নতুন অধ্যায়৷ চাঞ্চল্যকৰ এই ঘটনাক লৈ উত্তাল এতিয়া যোগীৰাজ্য৷
সৰ্বভাৰতীয় সংবাদমাধ্যম সূত্ৰৰ খবৰ অনুসৰি ঘটনাটো ঘটিছে উত্তৰপ্ৰদেশৰ আমৰোহাত৷ জনা গৈছে যে ৮ বছৰ পূৰ্বে ছৈয়দৰ সৈতে বিবাহ কৰাইছিল ছবনমে৷ বৰ্তমান তেওঁ তিনি সন্তানৰ মাতৃ৷ এবছৰ পূৰ্বে এক দুৰ্ঘটনাৰ পাছতেই জীৱনে নতুন মূৰ লৈছে ছবনমৰ৷
বিগত বৰ্ষত দুৰ্ঘটনাৰ কবলত পৰিছে ছৈয়দ৷ তাৰপিছতেই বিছনাই সংগী ছৈয়দৰ৷ তেতিয়াৰে পৰাই প্ৰতিবেশী কিশোৰৰ সৈতে ঘনিষ্ঠতা বাঢ়ে ২৬ বছৰীয়া গৃহবধূৰ৷ প্ৰেমৰ সম্পৰ্কত সোমাই পৰে তেওঁ৷ বিষয়টো জনাজনি হোৱাৰ পাছতেই অশান্তি আৰম্ভ হয় ঘৰত৷ পঞ্চায়তৰ আলোচনাও হয়৷ তাতেই দুই পৰিয়ালৰ উপস্থিতিত সিদ্ধান্ত হয় যে ছবনমে নিজৰ ইচ্ছাতেই যি মন যায় কৰিব পাৰিব৷
সম্প্ৰতি সেই কিশোৰৰ সৈতে পলাই গৈছে ছবনম৷ ইয়াৰপাছতেই নিজৰ নাম পৰিবৰ্তন কৰে৷ বৰ্তমান তেওঁ শিৱানী নামেৰে পৰিচিত৷ কিশোৰে ১৮ বছৰত ভৰি দিলেই আইনী বিবাহ কৰাব দুয়ো৷ জনা গৈছে ইয়াৰ পূৰ্বেও দুবাৰ বিবাহপাশত আৱদ্ধ হৈছে গৃহবধূ৷ এইবাৰ তৃতীয় বিবাহ হব ছবনমৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
