অসম লাইভ২৪ঃ ১৬ সংখ্যক আইপিএল শেষ হোৱাৰ পাছতেই দেশজুৰি অব্যাহত আছে ধোনীৰ চৰ্চা। এই আইপিএলত ধোনীৰ দল চেন্নাই চুপাৰ কিংছেই চেম্পিয়নো হৈছে। এইবাৰকে ধৰি পঞ্চমবাৰলৈ চেম্পিয়ন হৈ চেন্নাই চুপাৰ কিংছে স্পৰ্শ কৰিলে মুম্বাই ইণ্ডিয়ানছৰ ৰেকৰ্ড। ১৪ বাৰ আইপিএল খেলি ৫ বাৰকৈ ট্ৰফি নিজৰ দখললৈ আনিছে চেন্নাই চুপাৰ কিংছে। নিজা দল চেম্পিয়ন হ’লেও ধোনী বৰ্তমান অসুস্থ। খেলৰ সময়ত আঁঠুত আঘাত পাইছিল ধোনীয়ে। ধোনীয়ে বাওঁ ভৰিৰ আঁঠুত আঘাত পাইছে।
ধোনীয়ে IPLৰ ফাইনেল সামৰিয়েই যাত্ৰা কৰিছে মুম্বাই অভিমূখে। মুম্বাইৰ কোকিলাবেন ধীৰুভাই আম্বানি হাস্পতালৰ চিকিৎসক দিনেশ পাৰ্দিওয়ালাৰ ওচৰত আঁঠুৰ পৰীক্ষা কৰাবলৈ গৈছে ধোনী। চিকিৎসক দিনেশ পাৰ্দিওয়ালাই ঋষভ পন্থৰো চিকিৎসা কৰিছিল। ধোনীয়ে মেচৰ সময়তো আইচপেক লগাই খেলিবলৈ আহিছিল। ফাইনেলৰ দিনাও তেওঁ আঁঠুৰ বিষ লৈয়েই মেচত নামিছিল।
সম্প্ৰতি সামাজিক মাধ্যমত ভাইৰেল হৈছে ধোনীৰ এখন বিশেষ ফটো। গাড়ীত বহি হাতত ভাগৱত গীতা হাতত লৈ ফটোৰ বাবে পজ দিছে ধোনীয়ে। ছবিখন মুম্বাইত তোলা বুলিও এক সূত্ৰই প্ৰকাশ কৰিছে। ছবিখন দেখা মাত্ৰকেই একাংশই কৈছে ধোনীয়ে সকলোসময়তে গীতা হাতত ৰাখেই, এয়া নতুন কথা নহয়। একাংশই আকৌ কৈছে ধোনীয়ে আঁঠুৰ অস্ত্ৰোপছাৰৰ পূৰ্বে সাহস গোটাবলৈকে ভাগৱত গীতাৰ আশ্ৰয় লৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
