দেশত গণেশ উৎসৱ উদযাপনৰ সময়তে আলিগড়ৰ এগৰাকী মুছলমান মহিলাই সাম্প্ৰদায়িক সম্প্ৰীতিৰ এক অপূৰ্ব নিদৰ্শন দাঙি ধৰিছে৷ চৰ্চিত মুছলমান মহিলাগৰাকীয়ে গণেশ উৎসৱৰ সময়তে ৭ দিনৰ বাবে নিজৰ ঘৰলৈ গণপতি বাবাক নি স্থাপন কৰিছে।
ৰোৰাৱাৰ আৰক্ষী চক্ৰৰ অন্তৰ্গত এ ডি এ কলনীৰ বাসিন্দা ৰুবী আছিফ খানে নিজৰ ঘৰলৈ গণেশৰ মূৰ্তি আনি সকলো ৰীতি-নীতিৰে স্থাপন কৰে।
‘‘৬ ছেপ্টেম্বৰত মূৰ্তিটো পানীত ডুবাই ৰখাৰ পূৰ্বে আমি সাত দিন ধৰি ৰাখিম। মই আৰু মোৰ পৰিয়ালে প্ৰতিদিনে বিধি অনুসৰি ‘পূজা’ কৰি ভগৱানক ‘মোদক’ আগবঢ়াই দিম।’’ মহিলাগৰাকীয়ে কয়।
লগতে পঢ়ক যৌন নিৰ্যাতন চলাই চলন্ত ৰে’লৰ পৰা গতিয়াই দিলে মহিলাক, ভুক্তভোগী মহিলাৰ মৃত্যু
ৰুবীয়ে কয় যে তেওঁৰ ভগৱান গণেশৰ ওপৰত অপৰিসীম বিশ্বাস আছিল আৰু তেওঁ ভগৱানক ঘৰলৈ অনাত তেওঁৰ পৰিয়ালে আপত্তি কৰা নাছিল।
ধৰ্ম নিৰ্বিশেষে তেওঁ আৰু তেওঁৰ পৰিয়ালে সকলো উৎসৱ পালন কৰে বুলিও কয় মহিলাগৰাকীয়ে।
তেওঁৰ স্বামী আছিফ খানে কয় যে তেওঁ পত্নীৰ বিশ্বাসক সমৰ্থন কৰে আৰু সমগ্ৰ পৰিয়ালে এই উৎসৱত অংশগ্ৰহণ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
