চাঞ্চল্যৰ ঘটনা, মহানগৰীত লীভ-ইনত থকা মডেলৰ মৃতদেহ উদ্ধাৰ
গুৱাহাটী মহানগৰীত সংঘটিত হৈছে এক চাঞ্চল্যকৰ ঘটনা। আজি ১৫ মাৰ্চ তাৰিখে মহানগৰীৰ মাজমজিয়াৰ খ্ৰীষ্টানবস্তিত সংঘটিত হৈছে এক ঘটনা।
খ্ৰীষ্টানবস্তিৰ অমৰাৱতী পথৰ এটা ফ্লেটত প্ৰেমিকৰ সৈতে ভাড়া কৰি থকা যুৱতীগৰাকীৰ চীপ লৈ থকা অৱস্থাত মৃতদেহ উদ্ধাৰ হৈছে। লীভ-ইনত থকা যুৱতীগৰাকী পেছাত এগৰাকী মডেল আছিল।
যুৱতীগৰাকীৰ পৰিয়ালৰ লোকে ঘটনা সন্দৰ্ভত জানিব পৰাৰ লগে লগে ঘটনাস্থলীত উপস্থিত হয়। পৰিয়ালৰ অভিযোগ এয়া এক পৰিকল্পিত হত্যাকাণ্ড।
ঘটনাসন্দৰ্ভত আৰক্ষীৰ ওচৰত এজাহাৰো দাখিল কৰিছে যুৱতীৰ পৰিয়ালে। প্ৰেমিকৰ বিৰুদ্ধেই অভিযোগ তুলিছে পৰিয়ালৰ লোকে।
পৰিয়ালৰ অভিযোগৰ ভিত্তিতেই আৰক্ষীয়ে মডেলগৰাকীৰ প্ৰেমিকক আটক কৰি সোধ-পোচ আৰম্ভ কৰিছে। অৱশ্যে প্ৰেমিকে এই অভিযোগ অগ্ৰাহ্য কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
