AIUDF- এ ঘোষণা কৰিলে লোকসভা নিৰ্বাচনৰ প্ৰাৰ্থীৰ নাম, কোনে খেলিব ক’ত…
অৱশেষত বদৰুদ্দিন আজমলৰ দল অল ইণ্ডিয়া ইউনাইটেড ডেম’ক্ৰেটিক ফ্ৰণ্টে (এ আই ইউ ডি এফ) লোকসভা নিৰ্বাচনৰ প্ৰাৰ্থীৰ নাম ঘোষণা কৰিলে। মুঠ ১৪ টা সমষ্টিৰ ভিতৰত কেৱল ৩ টা সমষ্টিত হে প্ৰাৰ্থীত্ব দিব দলটোৱে।
তালিকা প্ৰকাশৰ পাছতে দলটোৰ সভাপতি বদৰুদ্দিন আজমলে ক’ত খেলিব সেয়া নিশ্চিত হৈ পৰিল। কংগ্ৰেছৰ ৰকিবুল হুছেইনৰ সৈতে সমুখ সমৰত নামিব এ আই ইউ ডি এফৰ সভাপতি আজমল।
যাৰ ফলত এতিয়া ধুবুৰীৰ লোকসভা নিৰ্বাচন এইবাৰ চাবলগীয়া হ’ব। সংখ্যালঘু সম্প্ৰদায়ৰ লোকৰ সংখ্যা সৰহ থকা ধুবুৰীত এইবাৰ কংগ্ৰেছে শেষ হাঁহি মাৰে নে এ আই ইউ ডি এফ যায় সেয়া কেৱল সময়লৈ অপেক্ষা।
আনহাতে আজি ১৫ মাৰ্চ তাৰিখে প্ৰকাশ পোৱা তালিকা অনুসৰি দলটোৱে যুঁজ দিব লগা অন্য দুটা সমষ্টি হৈছে কৰিমগঞ্জ আৰু নগাঁও। লগতে টিকট লাভ কৰা প্ৰাৰ্থী হৈছে কৰিমগঞ্জত শ্বাহাবুল ইছলাম চৌধুৰী আনহাতে আমিনুল ইছলাম নগাঁৱত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
