‘কালৰো কাল বিপৰীত কাল, হৰিণাই চেলেকে বাঘৰ গাল।’ এতিয়া যেন এই আপ্ত বাক্যশাৰী সচাঁযেন হৈ পৰিছে। কিছুদিনৰ পৰা সমাজত এনে কিছুমান ঘটনা ঘটি আছে, যিবোৰে সকলোকে আচৰিত কৰি তুলিছে। এইবাৰ তেনে এক ঘটনাই চৰ্চা লাভ কৰিছে। প্ৰেমৰ বাবেই চাৰি সন্তানৰ মাতৃ পলাই গ’ল ২০ বছৰীয়া যুৱকলৈ।
আচৰিত যেন লাগিলেও এয়াই সঁচা! অসমীয়া সমাজ ব্যৱস্থাত পৰম্পৰাগতভাৱে পুৰুষ আৰু মহিলাৰ বিবাহ বা প্ৰেমৰ সম্পৰ্কৰ ক্ষেত্ৰত বয়সৰ এক নিৰ্দিষ্ট ব্যৱধান মানি চলা দেখা যায়। সাধাৰণতে পুৰুষজন মহিলাগৰাকীতকৈ বয়সে ডাঙৰ হোৱাটোৱেই নিয়ম হিচাপে চলি আছে। কিন্তু শেহতীয়াকৈ অসমৰ ভিন্ন প্ৰান্তত ইয়াৰ ব্যতিক্ৰমী ঘটনা দেখিবলৈ পোৱা গৈছে। শেহতীয়া এক চৰ্চিত ঘটনা অনুসৰি, এগৰাকী ৪ টা সন্তানৰ মাতৃয়ে ২০ বছৰীয়া যুৱকলৈ পলাই যোৱা কাৰ্যই সামাজিক মাধ্যমৰ লগতে সৰ্বত্ৰে তীব্ৰ প্ৰতিক্ৰিয়া আৰু চৰ্চাৰ সৃষ্টি কৰিছে।
এই ঘটনা নগাঁও জিলাৰ জুৰীয়াৰ পূৱ মুকুন্দআটিৰ। চাৰি সন্তানৰ মাতৃ ৰশিদা খাতুনে স্বামী-সন্তানক এৰি পূৱ মুকুন্দআটিৰ যুৱক আব্দুল মজিদক প্ৰেমৰ জালত পেলাই পলায়ন কৰে। প্ৰায় ২০ দিন ধৰি আব্দুল মজিদৰ সৈতে আত্মগোপন কৰি আছে ৰশিদা খাতুন নামৰ ৪০ বছৰীয়া মহিলাৰগৰাকী। ইফালে পত্নী পলাই যোৱাৰ পিছতে শোকে খুন্দা মাৰি ধৰিছে স্বামীৰ হৃদয়ত, পত্নীক বিচাৰি হাবাথুৰি খাই ফুৰিছে স্বামীয়ে। আনফালে ২০ বছৰীয়া যুৱক আব্দুল মজিদৰ পৰিয়ালেও চৌদিশে বিচাৰি ফুৰিছে তেওঁলোকৰ পুত্ৰক।
উল্লেখ্য যে, এই ঘটনা সন্দৰ্ভত জুৰীয়া দগাঁও আৰক্ষী চকীত লিখিত ভাবে এজাহাৰ দিছে পৰিয়ালৰ লোকে। কেৱল সেয়াই নহয়, পৰিয়ালৰ লোকে আব্দুল মজিদ আৰু ৰশিদা বেগমৰ সন্ধান দিওঁতাক নগদ পাঁচ হাজাৰ টকা দিয়াৰো প্ৰতিশ্ৰুতি দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
