AI বাবে চাকৰি হেৰুৱাব নেকি সকলোৱে? পেৰিছৰ পৰা প্ৰধানমন্ত্ৰীয়ে বিশ্ববাসীক বুজাই দিলে ইয়াৰ উপকাৰিতা
প্ৰধানমন্ত্ৰী নৰেন্দ্ৰ মোদীয়ে বৰ্তমান গ্ল’বেল এ আই সন্মিলনত অংশগ্ৰহণ কৰিবলৈ ফ্ৰান্স ভ্ৰমণত আছে। মঙলবাৰে তেওঁ পেৰিছৰ পৰা এআইৰ উপকাৰিতাৰ বিষয়ে বিশ্ববাসীৰ আগত কয়। প্ৰধানমন্ত্ৰী মোদীয়ে কয় যে এআইৰ বাবে সকলোৱে চাকৰি হেৰুৱাব বুলি জল্পনা-কল্পনা চলি আছে যদিও ইতিহাস সাক্ষি আছে, নতুন প্ৰযুক্তিয়ে নতুন সুযোগ সৃষ্টি কৰে।
এই সন্মিলনত বিভিন্ন দেশৰ ৰাষ্ট্ৰপতিসকলে অংশগ্ৰহণ কৰিছে। এআইৰ ক্ৰমবৰ্ধমান প্ৰভাৱ আৰু ইয়াৰ দ্বাৰা সৃষ্টি হোৱা সম্ভাৱ্য সুযোগ আৰু ভাবুকিসমূহ শীৰ্ষ সন্মিলনত আলোচনাৰ মূল বিষয়।
সমগ্ৰ বিশ্বৰ মানুহ চিন্তিত যে এআইৰ ফলত বৃহৎ সংখ্যক চাকৰি হেৰুৱাব। প্ৰধানমন্ত্ৰী নৰেন্দ্ৰ মোদীয়ে গ্ল’বেল ফ’ৰামৰ জৰিয়তে সমগ্ৰ বিশ্বক বুজাবলৈ চেষ্টা কৰিছিল যে নতুন প্ৰযুক্তিৰ আগমনে নতুন চাকৰিৰ সুযোগ সৃষ্টি কৰে।
পেৰিছত অনুষ্ঠিত হোৱা এআই সন্মিলনত ভাষণ দি প্ৰধানমন্ত্ৰী নৰেন্দ্ৰ মোদীয়ে নতুন প্ৰযুক্তিৰ প্ৰতি থকা আশংকা দূৰ কৰাৰ চেষ্টা কৰে। নতুন প্ৰযুক্তিৰ তীব্ৰ পোষকতা কৰি তেওঁ কয় যে কৃত্ৰিম বুদ্ধিমত্তাৰ বাবে চাকৰি হেৰুৱাৰ জল্পনা-কল্পনা চলি আছে যদিও নতুন প্ৰযুক্তিয়েও নতুন কৰ্মসংস্থাপন আৰু চাকৰিৰ সুযোগ সৃষ্টি কৰিব, তাৰ সাক্ষী ইতিহাস।
পেৰিছৰ গ্ৰেণ্ড পেলেছত অনুষ্ঠিত হোৱা এআই একচন ছামিটত ভাষণ দি প্ৰধানমন্ত্ৰী নৰেন্দ্ৰ মোদীয়ে কয়, ‘এটা সহজ পৰীক্ষাৰ পৰা আৰম্ভ কৰোঁ। যদি আপুনি আপোনাৰ চিকিৎসা প্ৰতিবেদন AI এপত আপলোড কৰে, তেন্তে ই আপোনাৰ স্বাস্থ্যৰ বাবে ইয়াৰ অৰ্থ কি সেয়া কোনো ধৰণৰ শব্দৰ ব্যৱহাৰ নকৰাকৈ সহজ ভাষাত বুজাব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
