এটা মাত্ৰ এছ এম এছ। নৰেন্দ্ৰ মোদীয়ে পঠোৱা এটা মাত্ৰ এছ এম এছতেই গুজৰাটত নেনো বাহন নিৰ্মাণৰ কাৰখানা তৈয়াৰ কৰি দিছিল ৰতন টাটাই। এনে কি এছ এম এছ দিছিল নৰেন্দ্ৰ মোদীয়ে যাৰ বাবে তাৎক্ষণিকভাৱে এই বাহন নিৰ্মাণৰ কাৰখানা গুজৰাটত আৰম্ভ কৰিছিল ৰতন টাটাই?
চন তেতিয়া ২০০৮। নৰেন্দ্ৰ মোদী তেতিয়া গুজৰাটৰ মুখ্যমন্ত্ৰী। ৰতন টাটা তেতিয়া টাটা গোষ্ঠীৰ চেয়াৰমেন। তেতিয়াই নেন কাৰখানা নিৰ্মাণৰ প্ৰস্তাৱ আহিছিল টাটালৈ। এই প্ৰস্তাৱ দিছিল এতিয়াৰ প্ৰধানমন্ত্ৰী তথা তেতিয়াৰ গুজৰাটৰ মুখ্যমন্ত্ৰী নৰেন্দ্ৰ মোদীয়ে। টাটা তেতিয়া পশ্চিমবংগলৈ বিশেষ বিজনেছ মিটিঙত অংশ লবলৈ আহিছিল। টাটাৰ ভাষণ শেষ হোৱাৰ সময়তেই তেওঁলৈ এটা মেছেজ আহে। সেই মেছেজ লগে লগেই পঢ়ে। মেছেজত নৰেন্দ্ৰ মোদীয়ে টাটাক উদ্দেশ্যি লিখিছিল এনেদৰে, ‘স্বাগত, আমাৰ গুজৰাটলৈ আপোনাক আমন্ত্ৰণ জনাইছো। আমাৰ ইয়াত আপোনাৰ নেনো প্ৰজেক্ট স্থাপনৰ পৰিকল্পনা কৰিব পাৰে।’
সেই সময়ৰ এটকাৰ এছ এম এছতেই টাটাই আৰম্ভ কৰিছিল গুজৰাটত নেনো প্ৰকল্প। ২০০৮ চনৰ ৩ অক্টোবৰত পশ্চিমবংগৰ পৰা নেনো প্ৰজেক্ট আঁতৰাই গুজৰাটত পতাৰ সিদ্ধান্ত লয় ৰতন টাটাই। নৰেন্দ্ৰ মোদীৰ এছ এম এছৰ মাত্ৰ ২বছৰ পাছতেই গুজৰাটৰ সানন্দত নেনো প্লেন্ট উদ্বোধন হয়। অৰ্থাৎ ২০১০ চনত আৰম্ভ হয় এই প্ৰকল্প। দুই হাজাৰ কোটি টকা বিনিয়োগ কৰি সেই কাৰখানা তৈয়াৰ কৰে টাটাই। গুজৰাটত উদ্যোগীকৰণ আৰম্ভ কৰা তেতিয়াৰ মুখ্যমন্ত্ৰী নৰেন্দ্ৰ মোদীয়ে কৈছিল, ‘বহু দেশত এই নেনো প্ৰজেক্ট জনপ্ৰিয় হৈ উঠিব। গুজৰাট চৰকাৰ নিশ্চিত আছিল ভৱিষ্যতে এই প্ৰকল্প দেশৰ বাহিৰলৈ যাব।’ ২০১০ চনত বজাৰলৈ প্ৰথমে নেনো গাড়ী আহে। গুজৰাট চৰকাৰক ধন্যবাদ জনাই তেতিয়া ৰতন টাটাই কৈছিল, ‘নেনো প্লেণ্ট তৈয়াৰৰ বাবে আমি বিকল্পৰ সন্ধানত আছিলো। শান্তি আৰু সম্প্ৰীতিৰ স্থানৰ সন্ধান কৰিছিলো। যি সময়ত গুজৰাট চৰকাৰে আমাক এই স্থান দিবলৈ আগবাঢ়ি আহিল আমি লগে লগেই সন্মতি দিলো। তেনে ঠাই আমি বিচাৰিছিলো। এই প্ৰকল্প টাটাৰ নহয় এই প্ৰকল্প তেওঁলোকৰো। আমাৰ ওপৰত ভৰষা ৰখাৰ বাবে আমি তেওঁলোকৰ ওচৰত কৃতজ্ঞ।’ আৰম্ভণি ধুমধামেৰে হলেও এই প্ৰকল্প তথা নেনো বাহন নিৰ্মাণ বন্ধ কৰে ৰতন টাটাই। ২০১৮ চনত এই বাহনৰ নিৰ্মাণ বন্ধ হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
