চলিত বছৰৰ জুন মাহৰ পৰা প্ৰযুক্তিগত ত্ৰুটিৰ কাৰণে আন্তৰ্জাতিক মহাকাশ ষ্টেচনত আছে বোয়িঙৰ ষ্টাৰলাইনাৰ কেপছুল৷ সেই কেপচুলতেই আৱদ্ধ হৈ আছে বুচ উইলমোৰ আৰু সুনীতা উইলিয়ামছ৷ তেতিয়াৰ পৰা ষ্টাৰলাইনাৰ নানান তথ্য সন্মুখত আহিছে৷ এইবাৰ তেনে এক তথ্যই উদ্বেগ বঢ়াইছে৷ জনা গৈছে যে, ষ্টাৰলাইনাৰৰ পৰা এক অদ্ভুত শব্দ ভাঁহি আহিছে৷ শনিবাৰে সুনীতাৰ সৈতে উইলমোৱে এই শব্দ শুনিবলৈ পাইছে৷ মহাকাশযানৰ ভিতৰৰ এক স্পিকাৰৰ পৰা এই শব্দ আহিছিল৷
নাছাৰ সূত্ৰৰ খবৰ অনুসৰি হিউষ্টনৰ মিছন কন্ট্ৰলক উইলমোয়ে কৈছে, ‘ষ্টাৰলাইনাৰ সম্পৰ্কে আমি এক কথা জানিব পাৰিছো৷ আমি স্পিকাৰৰ পৰা এক অদ্ভুত শব্দ ভাহি অহা শুনিছো৷ কিয় হঠাৎ এই শব্দ কৰ পৰা আহিছে আমি বুজিব পৰা নাই৷’ ইয়াৰপাছতেই উইলমোৱে মিছন কন্ট্ৰলক অনুৰোধ কৰিছে শব্দটো শুনাৰ বাবে৷ মিছন কন্ট্ৰলেও শব্দটো শুনা পায়৷ জনাই যে এয়া এক ধৰণৰ কম্পনৰ শব্দ৷ এই শব্দৰ কাৰণ সম্পৰ্কে এতিয়া পৰ্যন্ত নিশ্চিতভাৱে জানিব পৰা হোৱা নাই৷ বুচ উইলমো আৰু সুনীতাই বোয়িঙৰ ষ্টাৰলাইনাৰলৈ যাত্ৰা কৰিছিল৷ কিন্তু উভতি অহাৰ সময়ত বোয়িঙৰ ষ্টাৰলাইনাৰ কেপছুলৰ থ্ৰাষ্টত প্ৰযুক্তিগত সমস্যাই দেখা দিয়ে৷ ইয়াৰ সৈতে হিলিয়াম লিকেও কাম কৰা বন্ধ কৰি দিয়ে৷ ফলত ৮ দিনৰ মিছল বাঢ়ি ৮মাহ হৈছেগৈ৷ সমস্যা ইমানেই গুৰুতৰ যে নাছাই কেপচুলটোৰ সৈতে দুই মহাকাশচাৰীক মহাকাশতেই এৰি আহিবলৈ বাধ্য হৈছে৷
সেই সময়ত কেপচুলটিক কি কৰা হ’ব তাক লৈ তৰ্কাতৰ্কিত সোমাই পৰিছিল ইঞ্জিনীয়াৰ৷ তাৰ ওপৰত হঠাৎ অহা এই শব্দই জন্ম দিছে উদ্বেগৰ৷ সুনীতা আৰু উইলমোৰে ২০২৫ৰ ফেব্ৰুৱাৰীত পৃথিৱীলৈ উভতি আহিব বুলি আশা কৰা হৈছে৷ এলন মাস্কৰ সংস্থা স্পেছ এক্সৰ মহাকাশযানৰ সহায়ত দুই মহাকাশচাৰীক উভতাই অনাৰ পৰিকল্পনা কৰা হৈছে৷ নাছাই সম্প্ৰতি জনাইছে যে বোয়িং ষ্টাৰলাইনাৰকো অতি শীঘ্ৰেই পৃথিৱীলৈ ঘূৰাই অনা হ’ব৷ কিন্তু এই ষ্টাৰলাইনাৰৰ সৈতে সুনীতা আৰু উইলমো নাহে৷ অৰ্থাৎ তেওঁলোকক অবিহনেই উভতি আহিব যানখন৷ ইয়াৰপাছতেই ২০২৫ৰ ফেব্ৰুৱাৰীত দুই মহাকাশ অভিযাত্ৰীকেই স্পেছ এক্স মহাকাশযানৰ মাধ্যমেৰে উভতাই অনা হ’ব৷ বোয়িং আৰু নাছাৰ মাধ্যমেৰে একাধিক বৈঠকৰ পাছত এই সিদ্ধান্ত লোৱা হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
