জন্মৰ পৰাই শিশুসকলে শুনিছে বিকট শব্দ৷ কৈশোৰ পাৰ হৈছে ত্ৰাসৰ মাজেৰে৷ পৃথিৱীৰ পোহৰ ভালকৈ দেখাৰ পূৰ্বেই দেখিছে মিছাইল, গোলা বাৰুদে আকাশ কঁপাই যোৱা শব্দ আৰু পোহৰ৷ তেওঁলোকৰ চকুৰ সন্মুখত কেৱল অন্ধকাৰ এখন পৃথিৱী৷ বহুতৰে মাতৃৰ ছায়াত আশ্ৰয় ল’বলৈ মাতৃও এই পৃথিৱীত নাই৷ নিশাৰ ভিতৰতেই অনাথ গাজাৰ হাজাৰ হাজাৰ শিশু৷ ষ্টেটিষ্টেটিকেল সমীক্ষাৰ অন্তত ৰাষ্ট্ৰসংঘই প্ৰকাশ কৰিছে এই ৰিপৰ্ট৷ ৰাষ্ট্ৰসংঘৰ ৰিপৰ্টমতে গাজাত কমবেছি পৰিমানে প্ৰায় ১৯ হাজাৰ শিশু অনাথ হৈ পৰিছে৷ চেলটাৰ হোমত কিংবা আত্মীয়সকলৰ কাষত বাস কৰিছে এইসকল অনাথ শিশুৱে৷ প্ৰকৃত পৰিসংখ্যা আৰু বৃদ্ধিও পাব পাৰে বুলি জনাইছে ৰাষ্ট্ৰসংঘই৷
কোনো যুদ্ধতেই এতিয়ালৈকে ইমান সৰু এলেকাৰ ভিতৰত ইমান বেছি বোমা বৰ্ষণ হোৱা নাই বুলি অনুমান কৰিছে ৰাষ্ট্ৰসংঘই৷ ৰাষ্ট্ৰসংঘৰ শিশু এজেন্সিৰ মুখপাত্ৰ জোনাথন ক্ৰিকছে কয়, ‘গাজাত শিশুৰ সংখ্যা বেছি৷ ঘিঞ্জি নামৰ সৰু এলেকাটোত অতিৰিক্ত বোমা বৰ্ষণ হৈছে এই যুঁজত৷ ফলত ক্ষতিৰ পৰিমাণো ভয়ংকৰ হৈ উঠিছে৷’
বিগত ৭ অক্টোবৰত ইজৰাইল আক্ৰমণ চলাইছিল হামাছে৷ এই আক্ৰমণৰ প্ৰতিশোধ ল’বলৈকে হামাছ জঙ্গি গোষ্ঠীক নিৰ্মূল কৰিবলৈ একাধিকবাৰ গাজাত আক্ৰমণ চলাই ইজৰাইলে৷ যাৰ ফলস্বৰূপে হাজাৰ হাজাৰ মানুহে মৃত্যুক আঁকোৱালি লৈছে৷ ইজৰাইলী সেনাৰ দাবী, জনবসতিপূৰ্ণ এলেকা এৰিয়েই বোমা নিক্ষেপ কৰা হৈছে৷ পৰিসংখ্যাই কৈছে, এতিয়া পৰ্যন্ত এই যুদ্ধত ১০ হাজাৰ মানুহৰ মৃত্যু হৈছে৷ তাৰমাজত বহু শিশুও আছে৷
বিগত এপ্ৰিলত ক্ৰিকছ এজেন্সিক এক সমীক্ষাত দেখা গৈছিল যে ৪১ শতাংশ পৰিয়ালে গাজাৰ অনাথ শিশুসকলক মানুহ কৰাৰ দায়িত্ব কান্ধ পাতি লৈছে৷ যুদ্ধত আহত অন্তঃসত্ত্বা একাধিক মহিলাই প্ৰসৱৰ পাছতেই প্ৰাণ হেৰুৱাইছে৷ এই শিশুসকলো জন্মৰ পাছতেই অনাথ হৈ পৰিছে৷ ব্ৰিটিছ চিকিৎসক ডা দেৱোৰা হেৰিংটনে বিগত ডিচেম্বৰ মাহত এনেকৈয়ে দুই শিশুক পৃথিৱীৰ পোহৰ দেখুওৱাত সহায় কৰিছে৷ যদিও প্ৰসৱৰ পাছতেই মৃত্যু হয় মাতৃসকলৰ৷ ইয়াৰোপৰি ইজৰাইলী সেনাৰ হাতত বন্দী হৈ থকা বহু মানুহৰ সন্তান ডাঙৰ হৈছে অনাথ হিচাপেই৷ আৰু কেতিয়াবা যুদ্ধবিমানৰ আক্ৰমণত আহত শিশুসকলক হাস্পতাললৈ লৈ যোৱাৰ পাছতেই শিশুসকল অনাথ হৈ পৰিছে৷ অনাথ আশ্ৰমত থকা বহু শিশু এতিয়া মানসিকভাৱে বিকাৰগ্ৰস্থ হৈ পৰিছে বুলিও ৰাষ্ট্ৰসংঘৰ ৰিপৰ্টে প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
