প্ৰধানমন্ত্ৰীৰ আসনত বহিয়েই জনতাক দিয়া প্ৰতিশ্ৰুতি পূৰণ, নেপালৰ প্ৰাক্তন প্ৰধানমন্ত্ৰী কে পি অলি শৰ্মাক গ্ৰেপ্তাৰ, গ্ৰেপ্তাৰ বিদায়ী গৃহমন্ত্ৰী ৰমেশ লেখককো

নেপালৰ প্ৰাক্তন প্ৰধানমন্ত্ৰী কেপি শৰ্মা অলিক গ্ৰেপ্তাৰ কৰাৰ খবৰ ভাইৰেল হৈ পৰিছে ৰাষ্ট্ৰীয়-আন্তৰাষ্ট্ৰীয় সংবাদমাধ্যমত৷ শনিবাৰে পুৱাই নিজ বাসগৃহৰ পৰা তেওঁক লৈ গৈছে আৰক্ষীয়ে৷ ইয়াৰোপৰি নেপালৰ প্ৰাক্তন গৃহমন্ত্ৰী ৰমেশ লেখককো গ্ৰেপ্তাৰ কৰা হৈছে৷ শুকুৰবাৰে নেপালৰ প্ৰধানমন্ত্ৰী হিচাপে শপত গ্ৰহণ কৰিছে বলেন্দ্ৰ শ্বাহে৷ শপতগ্ৰহণৰ ২৪ ঘণ্টা পাছতেই এক্সন আৰম্ভ বলেন্দ্ৰ শ্বাহৰ নেতৃত্বাধীন চৰকাৰৰ৷ বিগত বছৰৰ জেন জি বিক্ষোভত জড়িত থকাৰ অভিযোগত অলি আৰু তেওঁৰ মন্ত্ৰীসভাৰ গৃহমন্ত্ৰী ৰমেশ লেখকক গ্ৰেপ্তাৰ কৰা হৈছে৷

বিগত বৰ্ষত তৰুণ প্ৰজন্ম অৰ্থাৎ জেন জি বিক্ষোভৰ বাবে নেপালত পতন হৈছিল অলিৰ চৰকাৰ৷ তাৰপিছতেই ৫ মাৰ্চত নিৰ্বাচন অনুষ্ঠিত হয়৷ ১৬৫ আসনৰ ভিতৰত ১২৫ খন আসনত একক সংখ্যাগৰিষ্ঠতা পাইছে বলেন্দ্ৰৰ দল ৰাষ্ট্ৰীয় স্বতন্ত্ৰ পাৰ্টিয়ে৷ তেওঁ শুকুৰবাৰে নেপালৰ কনিষ্ঠতম প্ৰধানমন্ত্ৰী হিচাপে শপত লৈছে৷ ভাৰতৰ পৰাও তেওঁক শুভেচ্ছা জনোৱা হৈছে৷ ভাৰতৰ প্ৰধানমন্ত্ৰী নৰেন্দ্ৰ মোদীয়ে নিজেও বলেন্দ্ৰক অভিনন্দন জনাইছে৷

শনিবাৰে পুৱা ভক্তপুৰৰ গুণ্ডুৰৰ নিজা বাসগৃহৰ পৰা অলিক গ্ৰেপ্তাৰ কৰিছে নেপাল আৰক্ষীয়ে৷ কাঠমাণ্ডু ভেলি আৰক্ষীৰ মুখপাত্ৰ ওম অধিকাৰীয়ে সংবাদ সংস্থা এ এফ পিকেৰ তথ্য অনুসৰি, তেওঁলোকক পুৱাৰ ভাগত গ্ৰেপ্তাৰ কৰা হৈছে৷ আইন অনুসৰি পৰবৰ্তী পদক্ষেপ গ্ৰহণ কৰা হব৷’

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ