মাৰ্কেটত নতুন বাবা, নিচা কৰা বদ অভ্যাস এদিনতে দূৰ কৰাৰ গ্যাৰাণ্টি
মাৰ্কেটত বহু বাবা আহিল, বহু গ’ল। বহুতেই আচৰিত ধৰণে কৰিলে বহু ধৰণৰ সমস্যাৰ চিকিৎসা। কোনোৱে যদি চুমা খোৱা বাবা, কোনো আকৌ হাতেৰে স্পৰ্শ কৰা বাবা। যি ঠাইত ৰোগ হৈছে সেই ঠাইত হাত দিলেই আঁতৰ হয় ৰোগ।
তেনে ক্ষেত্ৰত ভাৰতত বাবাৰ অভাৱ নাই। কিছুমান বাবাই মিনিটৰ ভিতৰতে ৰোগ নিৰাময় কৰে আনহাতে কিছুমানে আপোনাৰ সন্মুখত বহিলেই আপোনাৰ ইচ্ছা বুজি পোৱা বুলি দাবী কৰে।
তাৰ মাজতে সদ্যহতে সামাজিক মাধ্যমত ভাইৰেল হৈ পৰিছে এগৰাকী নতুন বাবাৰ। নতুন বাবাই গ্যাৰাণ্টি দিছে, তেঁওৰ ওচৰত সমিধান পাবই। সুৰা পান কৰা যদি বদ অভ্যাস আছে তেন্তে বাবাই এদিনতে দূৰ কৰিব সকলো সমস্যা। বাবাৰ এটা ভিডিঅ’ ভাইৰেল হৈ আছে, য’ত তেওঁ ভক্তক মাৰপিট কৰি তেওঁলোকৰ বেয়া অভ্যাসৰ পৰা মুক্তি পোৱাৰ দাবী উত্থাপন হৈছে।
ছ’চিয়েল মিডিয়াত ভাইৰেল হৈ পৰিছে এটা ভিডিঅ’, য’ত এজন ব্যক্তি বাবাৰ সন্মুখত বহি আছে। ওচৰতে আৰু বহু মানুহ বহি আছে। বাবাই হঠাৎ মানুহজনৰ চুলিত ধৰি মাৰপিট কৰিবলৈ ধৰিলে। বাবাই মানুহজনৰ মুখ আৰু পিঠিত চৰ আৰু থাপৰ দিবলৈ ধৰে।
ভিডিঅ’ টো চাবলৈ তলৰ লিংকটোত ক্লিক কৰক-
https://x.com/BarmerDurg/status/1806271984109817932
ভিডিঅ’টোত দেখা গৈছে যে বাবাই মানুহজনক মাৰপিট কৰি আছে আৰু অন্যমানুহে শান্তিৰে বহি তেওঁক চাই আছে। বাবাই মাজতে কিবা এটা কৈ আছে যদিও মাতটো স্পষ্টকৈ শুনা নাযায়। দাবী কৰা হৈছে যে বাবাই মদৰ আসক্তসকলক চৰ্তসাপেক্ষ চিকিৎসা প্ৰদান কৰে। কোনোবাই তেওঁৰ চিকিৎসা পদ্ধতিৰ ভিডিঅ’ বনাইছিল, যিটো এতিয়া ভাইৰেল হৈ পৰিছে।
এই ভিডিঅ’টো ছ’চিয়েল মিডিয়াত বহু প্লেটফৰ্মত ভাইৰেল হৈ আছে আৰু ইয়াত বিভিন্ন ধৰণৰ কমেণ্ট আহি আছে মানুহৰ পৰা। এজন ছ’চিয়েল মিডিয়া ব্যৱহাৰকাৰীয়ে লিখিছে যে বজাৰত নতুন বাবাজী আহিছে।
আন এজনে লিখিছে বাবাই ড্ৰাগছৰ আসক্তিৰ পৰা মুক্তি পোৱাত সহায় কৰে, কিন্তু চিকিৎসাৰ পূৰ্বে বাবাৰ ওপৰত বিশ্বাস ৰাখিব লাগিব। আকৌ আন এজনে লিখিছে যে বজাৰত এনে বাবাৰ অতি প্ৰয়োজন। আন এজনে লিখিছে যে প্ৰথমবাৰৰ বাবে বাবাক কিছু ভাল কাম কৰা দেখিছো, ইয়াৰ দ্বাৰা সমাজত উন্নতি আহিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
