কিশোৰৰ বাবে নতুনকৈ ইনষ্টাগ্ৰাম আই ডি খোলাত কেইবাটাও বাধ্যবাধকতা জাৰি কৰা হৈছে৷ শিশুৰ ওপৰত ইনষ্টাৰ কুপ্ৰভাৱ সংক্ৰান্তীয় আইনী সমস্যা প্ৰৱল হৈ উঠাৰ বাবেই এই নিয়ন্ত্ৰণ অনা হৈছে৷ পূৰ্বৰ দৰে ন্যুড বা ১৮ প্লাছ কোনো কনটেণ্ট কম বয়সীয়া কিশোৰ কিশোৰীৰ ফিডত যাতে আহিব নোৱাৰে তাৰ ব্যৱস্থা কৰিবলৈ আগবাঢ়িছে সংস্থাটোৱে৷ কিশোৰ কিশোৰীসকলৰ একাউণ্টত নিশা ১০ বজাৰ পৰা পুৱা ৭বজালৈকে নটিফিকেশ্ব্যন অহাও বন্ধ কৰা গৈছে৷ ইয়াৰোপৰি প্ৰতিটো টিন একাউণ্টেই প্ৰাইভেট একাউণ্ট হ’ব৷ প্ৰফাইল মালিকৰ অনুমতি অবিহনে কোনোৱে ফ’ল কৰিব নোৱাৰিব৷
টিন ইনফ্লোয়েন্সাৰৰ পাবলিক একাউণ্টসমূহৰ কি হ’ব? ১৬ বছৰ বা তাতকৈ বেছি বয়সীয়াইহে অপশ্ব্যন পাব প্ৰফাইল পাবলিক কৰাৰ১৬ বছৰৰ তলৰ বা কম বয়সীয়াৰ বাবে আছে পেৰেণ্টেল ছুপাৰভিছন৷ অভিভাৱকে বিচাৰিলে এই সকলো নিয়মৰ পৰা মুক্তি দিব পাৰিব৷ ভুৱা বয়স লিখিলেও কিন্তু এতিয়াৰে পৰা ৰেহাই নাপাব৷
ইনষ্টাই একাউণ্ট খুলোতেই এতিয়াৰে পৰা বিচাৰিব ছেলফি, এই ছেলফিৰ পৰাই বয়সৰ অনুমান বুজা যায়৷ ভাৰতত এই নিয়ম বৰ্তমানলৈকে লাঘু হোৱা নাই যদিও জানুৱাৰীৰ পৰা এই নিয়ম লাঘু হোৱাৰ সম্ভাৱনা আছে৷ কেৱল ইনষ্টাগ্ৰামেই নহয়, ছচিয়েল মিডিয়াত কমবয়সীয়া বিশেষকৈ ছাত্ৰ-ছাত্ৰীসকলৰ আসক্তি বৃদ্ধি পোৱাৰ বাবেই এই পদক্ষেপ লৈছে বিশ্বই৷ আমেৰিকাৰ বিভিন্ন প্ৰদেশত এই নিয়ম ইতিমধ্যেই পাছ হৈছে৷
সেই আইনত বিভিন্ন সামাজিক মাধ্যম সংস্থাসমূহক নিৰ্দেশ দিয়া হৈছে যে শিশুসকলৰ সামাজিক মাধ্যমৰ ফিডত যাতে কোনো আপত্তিকৰ কনটেন্স নাহে তাৰ ওপৰত বিশেষ নজৰ দিয়া হৈছে৷ এডাল্ট ধৰণৰ কনটেন্টৰ ওপৰত কাঢ়া নিষেধাজ্ঞাৰ বিষয়টোও আছে৷ ইয়াৰবাবে সংস্থাসমূহক এলগৰিথিমৰ প্ৰয়োজনীয় পৰিবৰ্তন অনাৰ পৰামৰ্শ দিয়া হৈছে মাৰ্কিন মুলুকত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
