অসম লাইভ ২৪ঃ ছৌদি আৰৱত আজিৰে পৰা আৰম্ভ পবিত্ৰ হজৰ আনুষ্ঠানিকতা। বিগত বৰ্ষৰ দৰে এইবাৰো কঠোৰ কোভিড বিধিৰ মাজতে সীমিত পৰিসৰত আৰম্ভ কৰা হয় আনুষ্ঠানিকতা। দেওবাৰে অনুষ্ঠিত হ’ব হজৰ মূল কাৰ্যক্ৰম। হজ সম্পাদনৰ বাবে এইবাৰ ইছলাম ধৰ্মাৱলম্বীসকলে ব্যৱহাৰ কৰিব লাগিব স্মাৰ্ট কাৰ্ড। কোভিড প্ৰতিষেধক গ্ৰহণ কৰা মাত্ৰ ৬০ হাজাৰ লোকক এইবৰ্ষত হজযাত্ৰাৰ বাবে অনুমতি প্ৰদান কৰিছে প্ৰশাসনে। বিশ্বৰ ১৫০ খন দেশৰ ৬০ হাজাৰ লোকে অংশগ্ৰহণ কৰিব হজত। আজি সন্ধ্যা মক্কাত উপস্থিত হ’ব হজযাত্ৰীসকল। সোমবাৰে হজ বা আৰাফাৰ দিন। এইবাৰ হজৰ আৰাফতৰ দিনা ধৰ্মোপদেশ দিব ইমাম ডঃ বানদাৰ বালিলাই। বাংলাসহ ৯টা ভাষাত অনুবাদ কৰি প্ৰচাৰ কৰিব এই খুতবা। তাৰ পাছৰ দিনা অৰ্থাৎ মঙলবাৰে কুৰবানীৰ দিন। এইবাৰ তাৱাফৰ বাবে প্ৰতি তিনিঘণ্টাত ৬ হাজাৰ লোকে প্ৰৱেশৰ অনুমতি প্ৰদান কৰা হৈছে। হজ মন্ত্ৰালয়ৰ মুখপাত্ৰ হিশ্বাম অল চৈয়দে জানিবলৈ দিয়ে এই কথা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
