অসম লাইভ ২৪ঃ HSLC, HS আৰু হাইমাদ্ৰাছা পৰীক্ষা সন্দৰ্ভত sebaৰ কাৰ্যালয়ত শিক্ষামন্ত্ৰী ৰণোজ পেগুৰ সংবাদমেল। সংবাদমেলত উপস্থিত থাকে SEBA আৰু AHSECৰ অধ্যক্ষ আৰু বিষয়ববীয়া। পৰীক্ষাৰ মূল্যায়নৰ ফৰ্মূলা সন্দৰ্ভত আলোচনত মিলিত হয় উভয় পক্ষ। HSLC, হাইমাদ্ৰাছা পৰীক্ষাৰ ক্ষেত্ৰত নৱম শ্ৰেণীৰ পৰীক্ষাৰ পৰা ৪০% নম্বৰ, দশম শ্ৰেণীৰ পৰীক্ষাৰ পৰা ৪০% নম্বৰ, শ্ৰেণীকোঠাত উপস্থিতি আৰু এছাইনমেণ্টৰ পৰা ২০% নম্বৰ লাভ কৰিব পৰীক্ষাৰ্থীয়ে। HSLC, হাইমাদ্ৰাছা পৰীক্ষাৰ ফলাফল ৩১ জুলাইৰ ভিতৰত ঘোষণা কৰাৰ সিদ্ধান্ত গ্ৰহণ কৰা হয় সংবাদমেলত। তদুপৰি, এইবাৰ নাথাকে ষ্টাৰ, ডিষ্টিংছন আৰু ৰেংকিঙৰ ব্যৱস্থা। বিগত ৩ বছৰৰ ফলাফল ১০ শতাংশ তাৰতম্য ঘটিব পাৰে। গতিকে অসন্তুষ্ট ছাত্ৰ-ছাত্ৰীৰ বাবে পুনৰ পৰীক্ষা অনুষ্ঠিত কৰিব শিক্ষাবিভাগে। HS পৰীক্ষাৰ মূল্যায়নৰ ক্ষেত্ৰতো সিদ্ধান্ত গ্ৰহণ কৰে শিক্ষা সংসদে। HS ৰ ৪টা শাখাৰ বাবে হ’ব সুকীয়া মূল্যায়ন। মেট্ৰিকৰ ৩টা বিষয়ৰ পৰা ৫০ শতাংশ নম্বৰ, ব্যৱহাৰিক পৰীক্ষাৰ পৰা আহিব ৩০ শতাংশ নম্বৰ, ২টা বছৰৰ শৈক্ষিক-ক্ৰীড়া কলাপৰ পৰা লাভ কৰিব ১০ শতাংশ নম্বৰ আৰু আভ্যন্তৰীণ মূল্যায়নৰ পৰা পৰীক্ষাৰ্থীয়ে লাভ কৰিব ১০ শতাংশ নম্বৰ। অসন্তুষ্ট শিক্ষাৰ্থীয়ে পুনৰ পৰীক্ষাত বহাৰ সুবিধা থাকিব। ১৫ ছেপ্টেম্বৰৰ ভিতৰত অনুষ্ঠিত হ’ব পৰীক্ষা উচ্চতৰ মাধ্যমিকৰ চূড়ান্ত পৰীক্ষা। উচ্চতৰ মাধ্যমিকৰ ক্ষেত্ৰতো এইবাৰ নাথাকে স্থান প্ৰদানৰ ব্যৱস্থা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
