অসম লাইভ ২৪ঃ ফিফা বিশ্বকাপত ন’ৰা ফাতেহীৰ অনুষ্ঠান চাবৰ বাবেই আগ্ৰহী হৈ আছিল ভাৰতীয় ফুটবলপ্ৰেমী। ভাৰতীয় দল ফিফাত নাথাকিলেও অন্তত ভাৰতীয় শিল্পীৰ অনুষ্ঠান দেখিব। আশা কৰামতেই সকলো হৈছিল। প্ৰথমগৰাকী বলীউড তাৰকা হিচাপে ন’ৰাই বিশ্বকাপত অনুষ্ঠান কৰিবৰ বাবে আমন্ত্ৰণ লাভ কৰিছিল। প্ৰথমবাৰৰ বাবে ফিফাত অনুষ্ঠান পৰিবেশন কৰাকলৈ ভাৰতীয়ৰ বুকু গৰ্বত ফুলি উঠাৰ বিপৰীতে সামাজিক মাধ্যমত এতিয়া কেৱল ন’ৰাৰেই সমালোচনা।
অহংকাৰ গৈ হ’লগৈ লজ্জাৰহে কাৰণ। কাৰণ নাচৰ অন্তত দেশপ্ৰেমত বিভোৰ ন’ৰাই ভাৰতীয় জাতীয় পতাকা হাতত তুলি লৈছিল। অথন্তৰ তাতেই লাগিল। ন’ৰাই ওলোটাকৈ দাঙি ধৰিলে ভাৰতীয় জাতীয় পতাকা। ১ ডিচেম্বৰত নেট দুনীয়াত ভাইৰেল হৈ পৰিছে এই ভিডিঅ’।
হীৰাখচিত পোছাক পিন্ধি মঞ্চত সকলোৰে দৃষ্টি আকৰ্ষণ কৰিছিল ন’ৰাই। নাচ-গান সামৰি বৃহৎ এখন পতাকা তেওঁ দাঙি ধৰিলে। প্ৰথমে গেৰুৱা ৰং পতাকাৰ তলত হোৱাত পুনৰ ঠিক কৰি আকৌ দাঙি ধৰিলে পতাকা। সেইবাৰো কিন্তু গেৰুৱা ৰঙটো তলতেই থাকিল। ভিডিঅ’টো দেখা মাত্ৰকেই নেটিজেনৰ আপত্তি, ‘লাজ পাব লাগে, ক্ষমা খোজক।’ এনেধৰণৰ বহু মন্তব্য এতিয়া ভাইৰেল। তাৰ মাজতেই এটা বিশেষ মন্তব্যই দৃষ্টি কাঢ়িছে বহুসংখ্যকৰে। এগৰাকী ইউজাৰে ন’ৰাক উদ্দেশ্যি লিখিছে, ন’ৰা মই তোমাৰ ভক্ত কিন্তু এই দৃশ্য দেখি বৰ কষ্ঠ পাইছো, শেষত ত্ৰিৰংগাকেই অপমান কৰিলে।’ আকৌ এজনে নৰম সুৰেৰে কৈছে,’বুজিছো তেওঁ ইচ্ছা কৰি কৰা নাই, তেওঁক ক্ষমা কৰি দিয়ক। জয় হিন্দ।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
