নাম ধৰ্মৰ প্ৰচাৰৰ বাবে জীৱন উৎসর্গ কৰিছিল, কিন্তু বন্ধুৰ হাততেই প্ৰাণ হেৰুৱালে বিকিয়ে
বিগত বৰ্ষতেই সংঘটিত হৈছিল এক লোমহৰ্ষক ঘটনা। পাছে আজি নতুন বছৰৰ ৩ তাৰিখেহে পোহৰলৈ আহে সকলো। ৩০ ডিচেম্বৰত সংঘটিত হোৱা ঘটনাৰ আজি ৩ জানুৱাৰী তাৰিখে সকলো তথ্য ফাদিল।
বন্ধুৱে প্ৰাণ ল’লে বন্ধুৰ। একেলগে বাস কৰি একেলগে নাম ধৰ্মৰ প্ৰচাৰৰ বাবে জীৱন উৎসৰ্গিত কৰা বন্ধুৰ হাততেই প্ৰাণ হেৰুৱালে বিকি দাসে। উত্তৰ গুৱাহাটীত সংঘটিত হৈছে এই ঘটনা।
ঘটনা সন্দৰ্ভত জানিব পৰা অনুসৰি, উত্তৰ গুৱাহাটী টিলিংগাঁৱত ৰাজ্য জোকাৰি যোৱা এই চাঞ্চল্যকৰ হত্যাকাণ্ড সংঘটিত হৈছিল। দুই বন্ধু বিনয় দাস (পিতাই) আৰু উৎপল দাসে মিলি হত্যা কৰিছিল ২৩ বছৰীয়া বিকিক।
নাম ধৰ্মৰ প্ৰেমৰ বাণী বিলোৱা ধৰ্ম প্ৰচাৰক আছিল বিকি। কিন্তু দুই অন্তৰংগ বন্ধুৱে ডিঙি চেপি হত্যা কৰিলে বিকিক। তাৰোপৰি পৰিকল্পিতভাৱে হত্যা কৰি মৃতদেহো লুকুৱাই ৰাখিছিল দুই হত্যাকাৰী বন্ধুৱে।
টিলিংগাঁৱৰ দুটাকৈ নামঘৰৰ মাজত ৰচী লগাই আত্মহত্যাৰ ৰূপ দিছিল দুই বন্ধুৱে আজিহে পোহৰলৈ আহে সমস্ত ঘটনা। ঘটনা পোহৰলৈ অহাৰ পাছতে উত্তৰ গুৱাহাটী আৰক্ষীৰ জালত দুই হত্যাকাৰী বিনয় দাস আৰু উৎপল দাস।
৩০ ডিচেম্বৰৰ নিশাৰে পৰা সন্ধানহীন হৈ আছিল বিকি দাস নামৰ ২৩ বছৰীয়া ভকত গৰাকী। একশৰণ ভাগৱতী সমাজৰ নিৰৱচিন্ন সাধক আছিল বিকি দাস ।
হত্যাকাণ্ডৰ সংঘটিত কৰি বিগত ৪ দিনে ঘটনাক গাপ দি সাধাৰণ জীৱন যাপন কৰি আছিল দুই হত্যাকাৰী বন্ধুৱে। ঘটনাস্থলীত কামৰূপ আৰক্ষীৰ শীৰ্ষ আৰক্ষী বিষয়া আৰু উত্তৰ গুৱাহাটী আৰক্ষী উপস্থিত হৈ উদ্ধাৰ কৰে মৃতদেহ । মৃতদেহ উদ্ধাৰৰ পাছতেই উত্তপ্ত পৰিস্থিতিৰ সৃষ্টি হয় ঘটনাস্থলীত ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
