আজিৰ ৩১ ডিচেম্বৰৰ দিনটোতেই ভাৰতত হৈছিল এই কেইটা বিশেষ ঘটনা, যাক পাহৰিব নোৱাৰি
আজি ২০২৪ বৰ্ষৰ অন্তিমটো দিন। ৩১ ডিচেম্বৰ ২০২৪। নিশা ১২ বজাৰ পাছতেই আৰম্ভ হব নতুন এটা বছৰৰ। ২০২৫ক আদৰাৰ বাবে ইতিমধ্যে সকলোফালে প্ৰস্তুতি আৰম্ভ হৈছে।
পাছে এই দিনটোতেই ভাৰতত সংঘটিত হৈছিল কেইবাটাও ঘটনা। যি ঘটনাই ইতিহাসৰ পাতত আজিয়ো খোদিত হৈ আছে, ভৱিষ্যতলৈয়ো থাকি যাব সেই বিশেষ ঘটনা বোৰ।
১৬০০ চনৰ আজিৰ ৩১ ডিচেম্বৰৰ দিনটোতেই ভাৰতৰ ভৱিষ্যত সলনি কৰি দিয়া ব্ৰিটিছ ইষ্ট ইণ্ডিয়া কোম্পানীৰ (The British East India Company ) স্থাপন হৈছিল।
১৯২৯ চনৰ এই দিনটোতেই মহাত্মা গান্ধীৰ নেতৃত্বত লাহোৰত কংগ্ৰেছে সম্পূৰ্ণ স্বাধীনতা আন্দোলনৰ (movement for complete independence) আৰম্ভ কৰিছিল।
১৯৮৪ চনৰ ৩১ ডিচেম্বৰত ৪০ বছৰ বয়সত ৰাজীৱ গান্ধী ভাৰতৰ সপ্তম সংখ্যক প্ৰধানমন্ত্ৰী হৈছিল ।
একেটা বৰ্ষতে ভাৰতৰ অন্যতম সফল ক্ৰিকেটাৰ মহম্মদ আজহাৰুদ্দিনে ইংলেণ্ডৰ বিৰুদ্ধে খেলপথাৰত নামি আন্তঃৰাষ্ট্ৰীয় ক্ৰিকেট কেৰিয়াৰ আৰম্ভ কৰিছিল। পাচলৈ তেখেত ভাৰতীয় ক্ৰিকেট দলৰ অধিনায়কো হয়।
১৯৯৯ চনৰ এই দিনটোত কোনোমতে সমাধান হৈছিল ইতিহাসে পাহৰিব নোৱাৰা অন্যতম শিহৰণকাৰী ঘটনাটো। ইণ্ডিয়ান এয়াৰলাইন্সৰ বিমান ৮১৪ ,২৪ ডিচেম্বৰত হাইজেক হোৱাৰ পাছত ৩১ ডিচেম্বৰত অৱশেষত মুকলি হৈছিল। ৭ দিনৰ পাছত ৰক্ষা পৰিছিল যাত্ৰী-ক্ৰু মেম্বৰ সহ মুঠ ১৯০ গৰাকী লোক।
২০১৮ চনৰ ৩১ ডিচেম্বৰ তাৰিখে ভাৰতীয় চবিজগতৰ অন্যতম সফল অভিনেতা ৩০০ ৰো অধিক চিনেমাত কাম কৰি জনপ্ৰিয়তা অৰ্জন কৰা কাডেৰ খানে ইহলীলা সম্বৰণ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
