আজিকালি সকলোৱে ছাল-চুলিৰ যতন লয়। ব্যস্ততাৰ বাবে ঘৰত নোৱাৰিলে বিউটি পাৰ্লাললৈ গৈ হ’লেও যতন লয়। কিন্তু গ্ৰীষ্মকাল অহাৰ লগে লগে আমাৰ ছালখনক অধিক যত্নৰ প্ৰয়োজন হয়। ঘাম, ধূলি আৰু আঠাযুক্ত হোৱাৰ বাবে ছালত তেল, ব্ৰণ, ব্ৰেকআউট আৰু ৰঙাপৰা আদি সমস্যা বাঢ়ি যায়। এনে ক্ষেত্ৰত ভুল ফেচ ৱাছ বা ক্লিনজাৰ ব্যৱহাৰ কৰিলে ছালৰ প্ৰাকৃতিক সৌন্দৰ্য নাইকিয়া হ’ব পাৰে, যাৰ ফলত ছালখন আৰু অধিক শুকান বা তেলীয়া হয়। সকলোৰে ছালৰ প্ৰকাৰ বেলেগ বেলেগ, গতিকে ছালৰ প্ৰয়োজন অনুসৰি সঠিক ক্লিনজাৰ বাছি লোৱাটো গুৰুত্বপূৰ্ণ।
তেলীয়া ছাল- গ্ৰীষ্মকালত তেলীয়া ছালৰ লোকৰ মুখত অধিক তেল উৎপন্ন হয়, যাৰ ফলত মুখখন আঠাযুক্ত দেখা যায়। ঘাম আৰু মলিৰ বাবে ব্ৰণ আৰু ব্ৰেকআউটৰ সমস্যাও বৃদ্ধি পায়। এনে লোকসকলে চেলিচিলিক এচিড বা চাৰকোল যুক্ত ফেচ ৱাছ বাছি লওক, যিয়ে অতিৰিক্ত তেল আঁতৰোৱাত সহায় কৰে। জেল ভিত্তিক বা ফেনযুক্ত ক্লিনজাৰ বাছি লওক, যিয়ে ছালখন গভীৰভাৱে পৰিষ্কাৰ কৰে আৰু তেলৰ ভাৰসাম্য ৰক্ষা কৰে। পদিনা, টি অইল বা নিমযুক্ত ফেচ ৱাছ ব্যৱহাৰ কৰিব লাগে কাৰণ এইবোৰ বেক্টেৰিয়া প্ৰতিৰোধী আৰু ব্ৰণ প্ৰতিৰোধ কৰে।
শুকান ছাল- গ্ৰীষ্মকালত শুকান ছাল থকা লোকে ছালখন আৰু অধিক শুকান আৰু নিৰ্জীৱ বুলি অনুভৱ কৰে। ভুল ফেচ ৱাছ ব্যৱহাৰ কৰিলে আপোনাৰ ছালখন টানি আৰু টুকুৰা টুকুৰ হৈ ফাটিব পাৰে। সেয়ে শুদ্ধ ক্লিনজাৰ বাছি ল’ব লাগে। এনে ছালৰ লোকসকলে মৃদু, ক্ৰীমযুক্ত আৰু হাইড্ৰেটিং ক্লিনজাৰ বাছি লওক, যিয়ে ছালখন আৰ্দ্ৰ কৰি ৰাখে। হাইয়ালুৰনিক এচিড আৰু এলোভেৰা সমৃদ্ধ ফেচ ৱাছ ব্যৱহাৰ কৰক, যিয়ে ছালত গভীৰ হাইড্ৰেচন প্ৰদান কৰে। গাখীৰ থকা ক্লিনজাৰ ভাল কাৰণ ই ছালত আৰ্দ্ৰতা প্ৰদান কৰে।
সংবেদনশীল ছাল (sensitive)- সংবেদনশীল ছাল অতি সোনকালে ৰঙা, খজুৱতি হ’ব পাৰে। ভুল ক্লিনজাৰ প্ৰয়োগ কৰিলেও এলাৰ্জী আৰু বিভিন্ন সমস্যাৰ সৃষ্টি হ’ব পাৰে। সংবেদনশীল ছালৰ বাবে উপযুক্ত ক্লিনজাৰ বাছি লোৱাটো অতি প্ৰয়োজনীয়। সংবেদনশীল ছালৰ বাবে মৃদু ক্লিনজাৰ বাছি লওক, য’ত কম ৰাসায়নিক পদাৰ্থ কম থাকে। ফেচ ৱাছত কেমোমিল, এলোভেৰা বা অটমিলৰ দৰে প্ৰাকৃতিক উপাদান থাকিব লাগে, যিয়ে ছালখনক প্ৰাকৃতিক সৌন্দৰ্য বজাই ৰখাত সহায় কৰে। সেয়েহে সুগন্ধিবিহীন ক্লিনজাৰ ব্যৱহাৰ কৰিব লাগে।
স্বাভাৱিক ছাল- স্বাভাৱিক ছালৰ লোকে বিশেষ সমস্যাৰ সন্মুখীন নহয়, কিন্তু ভুল ফেচ ৱাছ ব্যৱহাৰ কৰিলে ছাল শুকান বা তেলীয়া হ’ব পাৰে। এনে পৰিস্থিতিত স্বাভাৱিক ছালৰ লোকসকলেও সঠিক ক্লিনজাৰ বাছি ল’ব লাগে। l তেওঁলোকে মৃদু ক্লিনজাৰ বাছি লওক। যিয়ে ছালখন পৰিষ্কাৰ কৰে আৰু ইয়াৰ আৰ্দ্ৰতাও বজাই ৰাখিব। মৃদু ফেনযুক্ত ফেচ ৱাছ ভাল, যিয়ে ছালৰ পি এইচ ভাৰসাম্য ৰক্ষা কৰে। নেমু, মৌ, এলোভেৰা বা গোলাপ পানী থকা ফেচ ৱাছ ভাল বিকল্প।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
