নুমলীগড়ত শোকাৱহ নাও দুৰ্ঘটনা, ২ জন যুৱক নিহত অন্য সকল সংকটজনক অৱস্থাত
এফালে ৰাজ্যত বৃদ্ধি পাবলৈ ধৰিছে বান। বানে কাল ৰূপ ধাৰণ কৰাৰ ফলত বহু পশুধনে প্ৰাণ হেৰুৱাৰ লগতে বৰ্তমানলৈ ৪৬ গৰাকী লোকে হেৰুৱালে প্ৰাণ। তাৰে মাজতে নুমলীগড়ৰ পৰা আহিছে আন এক শোকাৱহ নাও দুৰ্ঘটনাৰ খবৰ।
নুমলীগড়ৰ মহুৰামুখৰ মাজ চাপৰিত সংঘটিত হৈছে এই নাও দুৰ্ঘটনাটো। ব্ৰহ্মপুত্ৰৰ বাঢ়নী পানীত সংঘটিত হোৱা এই দুৰ্ঘটনাটোত টুলুঙা নাও লৈ যোৱা অৱস্থাতে নাও পানীত ডুব যায়।
দুৰ্ঘটনাৰ সময়ত নাওখনত আছিল ৫ জনকৈ যুৱক। ইয়াৰে ভিতৰত দুজন যুৱকক মৃত অৱস্থাত উদ্ধাৰ কৰে। আনহাতে অন্য তিনিজনৰো অৱস্থা সংকটজনক বুলি জানিব পৰা গৈছে।
দুৰ্ঘটনাটোত লাহন মাহিলী আৰু পাপলু দাস নামৰ দুজনৰ মৃত্যু হয়। আনহাতে সংকটজনক অৱস্থাত চিকিৎসালয়লৈ প্ৰেৰণ কৰা আন তিনিজন হৈছে ৰাজ দাস, মৌচুম দাস আৰু দিপজ্যেতি মাহিলী।
স্থানীয় ৰাইজে দুৰ্ঘটনাটো সংঘটিত হোৱা দেখিয়ে লগে লগে যুৱক কেইজনৰ উদ্ধাৰত নামি পৰে। কিন্তু কেউটিকে সুকলমে উদ্ধাৰ কৰিব নোৱাৰে। তথাপি ততাতৈয়াকৈ কেউজনকে উদ্ধাৰ কৰি নিকট হাস্পতালৈ লৈ যায়, যদিও ৫ যুৱকৰ ভিতৰত দুজন নিহত হোৱা বুলি সদৰি কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
