পাকিস্তান আৰু পাক অধিকৃত কাশ্মীৰৰ সন্ত্ৰাসবাদী ঘাঁটিত ভাৰতীয় সশস্ত্ৰ বাহিনীৰ ক্ষেপণাস্ত্ৰ আক্ৰমণৰ পৰিপ্ৰেক্ষিতত আকাশসীমা বিধিনিষেধৰ কাৰণে ভাৰতীয় বিমান সংস্থাসমূহে জম্মু আৰু শ্ৰীনগৰসহ দেশৰ বিভিন্ন চহৰত ফ্লাইট বাতিল কৰা হৈছে৷ এয়াৰ ইণ্ডিয়াৰ তৰফৰ পৰা এক বিবৃতি দি এই তথ্য জনোৱা হৈছে৷ তেওঁলোকে এক্স হেণ্ডেলত লিখিছে, ‘বিমান পৰিবহণ দপ্তৰৰ নিৰ্দেশ অনুসৰি আগন্তুক ১০ মেৰ পুৱা ৫ বাজি ২৯ মিনিট পৰ্যন্ত শ্ৰীনগৰ, জম্মু, লেহ, যোধপুৰ, অমৃতসৰ, ভুজ, জামেনগৰ, চণ্ডীগড় আৰু ৰাজকোট বিমানবন্দৰত আমাৰ কোনো যাত্ৰীয়ে যাত্ৰা কৰিব নোৱাৰিব৷’
এক্স হেণ্ডেলত পোষ্ট কৰি বিমান সংস্থাই জনাইছে যে অমৃতসৰগামী দুখন আন্তৰ্জাতিক ফ্লাইট বুধবাৰে দিল্লীলৈ পুনৰ উভতি যাব লগা হৈছে৷ এই অপ্ৰত্যাশিত ব্যাঘাতৰ বাবে তৈয়াৰ হোৱা অসুবিধাক লৈ আমি দুঃখিত৷ অন্যহাতে স্পাইটজেটেও বৰ্তমান পৰিস্থিতিৰ বাবে ধৰ্মশালা, লেহ, জম্মু, শ্ৰীনগৰ, অমৃতসৰসহ উত্তৰ ভাৰতৰ কিছু অংশ তেওঁলোকৰ পৰিসেৱা পৰবৰ্তী নিৰ্দেশ নিদিয়া পৰ্যন্ত বন্ধ থাকিব৷
বুধবাৰে পাকিস্তান আৰু পাকিস্তান অধিকৃত কাশ্মীৰত ভাৰতীয় সশস্ত্ৰ বাহিনীৰ মিছাইল আক্ৰমণৰ পাছত ২০০খনতকৈ বেছি ফ্লাইট বাতিল আৰু কমপক্ষেও ১৮টা বিমানবন্দৰ, যাৰ মাজত শ্ৰীনগৰ, লেহ, অমৃতসৰ আৰু চণ্ডীগড় অন্তৰ্ভুক্ত সাময়িকভাৱে বন্ধ কৰা হৈছে৷ প্ৰধানকৈ উত্তৰ আৰু পশ্চিমৰ বিমানবন্দৰসমূহৰ ফ্লাইট অপাৰেছন স্থগিত কৰা হৈছিল৷ যাৰ মাজত আছে জম্মু, পাঠানকোট, যোধপুৰ, জয়চলমেৰ, চিমলা, ধৰ্মশালা আৰু জামেনগৰ৷
IndiGoইয়ো ১৬৫খন ফ্লাইট বাতিল কৰিছে৷ এক সূত্ৰই জনাইছে যে দিল্লী, ভাৰতৰ ব্যস্ততম বিমানবন্দৰ দিল্লীত ৩৫খন ফ্লাইট মাজনিশাৰ পৰা পুৱা পৰ্যন্ত বাতিস কৰা হৈছে, যাৰ মাজত ২৩ টা আভ্যন্তৰীণ ডিপাৰ্চাৰ আৰু ৮থন এৰাইভেল আৰু ৪খন আন্তৰ্জাতিক ফ্লাইট আছে৷ এয়াৰ ইণ্ডিয়া, এয়াৰ ইণ্ডিয়া এক্সপ্ৰেছ ইণ্ডিগো, স্পাইছ জেট, আক্সা এয়াৰৰ দৰে সংস্থাসমূহে ইতিমধ্যেই বিবৃতি জাৰি কৰি একাধিক উৰণ বাতিলৰ কথা ঘোষণা কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
