নলবাৰীৰ বৰকুৰাত আজি সমাগম হ’ব লাখৰ ঘৰত জনতাৰ, মুখ্য কেন্দ্ৰবিন্দু মোদী
ইতিমধ্যে হাজাৰ হাজাৰ মানুহৰ সমাগম হৈছে নলবাৰীৰ বৰকুৰাৰ কৃষিভুমিত। যিয়ে যেনেকৈ পাৰিছে ঢাপলি মেলিছে বৰকুৰালৈ। কিয়নো আজি নলবাৰীলৈ আহিব দেশৰ অতিকে জনপ্ৰিয় নেতা তথা প্ৰধানমন্ত্ৰী নৰেন্দ্ৰ মোদী।
নলবাৰীৰ বৰকুৰাত বিশাল জনসভাত অংশ ল’ব প্ৰধানমন্ত্ৰীগৰাকীয়ে । লাখ লাখ জনতাৰ সমুখত ভাষণ দাঙি ধৰিব প্ৰধানমন্ত্ৰী নৰেন্দ্ৰ মোদীয়ে। নলবাৰীৰ পৰা প্ৰধানমন্ত্ৰীয়ে বজাব লোকসভা নিৰ্বাচনৰ ৰণশিঙা।
দুদিনীয়া কাৰ্যসূচীৰে অসমলৈ অহা প্ৰধানমন্ত্ৰী নৰেন্দ্ৰ মোডীয়ে আজি নলবাৰীত সম্বোধন কৰিব এখন বিশাল জনসভা। মিত্ৰজোটৰ প্ৰাৰ্থী তথা অসম গণ পৰিষদৰ একমাত্ৰ প্ৰাৰ্থী বৰপেটা সমষ্টিৰ ফণীভূষণ চৌধুৰীৰ হৈ এই প্ৰচাৰ কাৰ্যসূচীত অংশ লব প্ৰধানমন্ত্ৰীগৰাকীয়ে।
ইতিমধ্যে, গুৱাহাটীৰ কইনাধৰাত বাহৰ পাতি আছে প্ৰধানমন্ত্ৰীগৰাকীয়ে। কালি সন্ধিয়া আহি উপস্থিত হয় প্ৰধানমন্ত্ৰী মোদী। গুৱাহাটী মহানগৰৰ সদাব্যস্ত জি এছ ৰোডত বিশাল জনসভাৰ মাজেৰে স্বাগত কৰা হয় মোদীক।
কালিৰ নিশাটো গুৱাহাটীতে পাৰ কৰাৰ পাছত আজি ১০.১৫ মান বজাত নলবাৰীলৈ ৰাওনা হ’ব প্ৰধানমন্ত্ৰীগৰাকী। ইতিমধ্যে সেই উদ্দ্যশ্যে কইনাধৰাত সাজু কৰা হৈছে ৪ খনকা হেলিকপ্টাৰ।
নলবাৰীৰ ৩১নং ৰাষ্ট্ৰীয় ঘাইপথৰ কাষত বৰকুৰাৰ বিশাল কৃষিভূমিত অনুষ্ঠিত হ’ব এই নিৰ্বাচনী সভাখন। প্ৰধানমন্ত্ৰী আগমনৰ উপলক্ষে তিনিখনকৈ অস্থায়ী হেলিপেডো নিৰ্মাণ কৰা হৈছে বৰকুৰাৰ কৃষিভূমিত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
