সন্ত্ৰা*সবাদক বছৰ বছৰ ধৰি পৃষ্ঠপোষকতা দি অহা পাকিস্তান এতিয়া পানীৰ তীব্ৰ সংকটৰ সন্মুখীন হৈছে। ভাৰতৰ দ্বাৰা সিন্ধু জল চুক্তি স্থগিত ৰখাৰ পিছত পাকিস্তানৰ সিন্ধ আৰু বেলুচিস্তান প্ৰদেশত পানীৰ নাটনিয়ে ভয়াবহ ৰূপ লৈছে। ইয়াৰ ফলত কৃষি, জনজীৱন আৰু আঞ্চলিক অৰ্থনীতিৰ ওপৰত গভীৰ সংকট নামি অহাৰ আশংকাই দেখা দিছে।
পেহেলগামত সংঘটিত পাকিস্তান-সমৰ্থিত সন্ত্ৰা*সবাদী আক্ৰমণৰ পিছত ভাৰত চৰকাৰে দশকজুৰি চলি অহা সিন্ধু জল চুক্তি স্থগিত কৰে। তাৰ পিছৰে পৰা পাকিস্তানত পানীৰ সংকট ক্ৰমাৎ গভীৰ হৈ পৰিছে। বিশেষকৈ সিন্ধ আৰু বেলুচিস্তানৰ কৃষিনিৰ্ভৰ অঞ্চলসমূহত এই সংকটে জীৱিকা আৰু কৃষি উৎপাদনক গুৰুতৰভাৱে প্ৰভাৱিত কৰিছে। ইয়াৰ আটাইতকৈ বেছি প্ৰভাৱ পৰিছে সিন্ধ প্ৰদেশত, য’ত পাকিস্তানৰ অৰ্থনৈতিক ৰাজধানী কাৰাচী অৱস্থিত। ৰাজনীতিবিদ, কৃষক আৰু জল বিশেষজ্ঞসকলে পানীৰ যোগান হ্ৰাসক লৈ গভীৰ উদ্বেগ প্ৰকাশ কৰিছে। সিন্ধ আৰু বেলুচিস্তানত দেখা দিয়া এই সংকটে পাকিস্তানৰ প্ৰায় এক-তৃতীয়াংশ জনসংখ্যাক প্ৰভাৱিত কৰাৰ আশংকাই দেখা দিছে।
পহেলগাম আক্ৰমণৰ পিছতে ভাৰতৰ কঠোৰ স্থিতি
পহেলগাম সন্ত্ৰাস*বাদী আক্ৰমণৰ পিছতে ভাৰতে যথেষ্ট কঠোৰ স্থিতি গ্ৰহণ কৰিছে। ‘অপাৰেচন সিন্দূৰ’ৰ সামৰিক পদক্ষেপৰ লগতে কূটনৈতিক ক্ষেত্ৰতো ভাৰত গুৰুত্বপূৰ্ণ সিদ্ধান্ত গ্ৰহণ কৰে। তাৰে ভিতৰত অন্যতম এই সিন্ধু জল চুক্তি স্থগিতৰ পদক্ষেপ। শেহতীয়াকৈ ভাৰতৰ প্ৰতিৰক্ষা মন্ত্ৰী ৰাজনাথ সিঙে স্পষ্টভাৱে কয় যে-ভাৰতে এই সন্দৰ্ভত ভৱিষ্যতেও কঠোৰ স্থিতি গ্ৰহণ কৰিব। পেহেলগামৰ সন্ত্ৰা*সবাদী আক্ৰমণৰ পিছত আমি সিন্ধু জল চুক্তি স্থগিত ৰাখিছিলো। যিসকলৰ চকুৰ পানী শুকাই গৈছে, তেওঁলোকে আমাৰ পৰা পানীৰ আশা নকৰিব। আমি সিন্ধুৰ পানী সন্ত্ৰা*সবাদীৰ পৃষ্ঠপোষকক নিদিও। ইপিনে পাকিস্তানৰ সংবাদপত্ৰ Dawn-ৰ তথ্য অনুসৰি, সিন্ধু নদীৰ ওপৰত নিৰ্মিত অন্যতম গুৰুত্বপূৰ্ণ জলসিঞ্চন ব্যৱস্থা ‘ছুক্কুৰ বেৰাজ’ৰ সমীপত জল সংকট স্পষ্টভাৱে দেখা গৈছে। এই বেৰাজৰ জৰিয়তে সিন্ধ আৰু বেলুচিস্তানৰ লাখ লাখ একৰ কৃষিভূমিলৈ পানী যোগান ধৰা হয়। সেয়েহে পাকিস্তানৰ কৃষি অৰ্থনীতিৰ বাবে ইয়াৰ গুৰুত্ব অপৰিসীম।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
