হিন্দী চলচ্চিত্ৰ জগতৰ কিংবদন্তি কণ্ঠশিল্পী কিশোৰ কুমাৰ এনে এজন শিল্পী, যাৰ গীতসমূহে কেৱল ১৯৫০ আৰু ১৯৬০ দশকৰ শ্ৰোতাসকলকেই মুগ্ধ কৰা নাছিল, বৰঞ্চ নতুন প্ৰজন্মৰ মাজতো তেওঁৰ গীতৰ এক বিশেষ জনপ্ৰিয়তা আছে। তেওঁৰ কণ্ঠত আছিল এক অনন্য যাদু, যিয়ে প্ৰতিটো গীতক স্মৰণীয় কৰি তুলিছিল। প্ৰায় ৭০ বছৰৰ আগতে মুক্তি পোৱা এখন ছবিৰ বাবে কিশোৰ কুমাৰে ২১টাতকৈও অধিক ভিন্ন ধৰণৰ কণ্ঠস্বৰ উলিয়াইছিল। আজিও সেই গীতটোক এটা কালজয়ী ক্লাছিক হিচাপে গণ্য কৰা হয়। বিশেষকৈ এই গীতটো দৰাৰ বাবে এক ধৰণৰ ‘সতৰ্কবাণী’ বুলি কোৱা হয়। যদি বিয়াৰ অনুষ্ঠানত এই গীতটো বজে, তেন্তে দৰাই অস্বস্তি বা লাজ পোৱাটো প্ৰায় নিশ্চিত।
কি আছিল সেই গীতটোৰ বিশেষত্ব?
ইয়াত উল্লেখ কৰিব খোজা গীতটো হৈছে ১৯৫৬ চনত মুক্তি পোৱা ‘পৰিবাৰ’ ছবিখনৰ সেই গীতটো ‘কুৱেঁ মে কুদ কে মৰ জানা, য়াৰ তুম শ্বাদী মত কৰনা’। এই ছবিখনত কিশোৰ কুমাৰে কেৱল গানেই গোৱা নাছিল, অভিনয়ো কৰিছিল। গীতটো মুক্তিৰ সময়ত বহুলভাৱে জনপ্ৰিয়তা লাভ কৰিছিল।
এই গীতটোত কিশোৰ কুমাৰে ২১ বাৰকৈ নিজৰ কণ্ঠস্বৰ সলনি কৰিছিল। তেওঁ গীতটোৰ মাজেৰে অবিবাহিত যুৱক আৰু হবলগীয়া দৰাসকলক বিবাহৰ পিছত জীৱনত আহিব পৰা নানা সমস্যাৰ বিষয়ে ব্যংগাত্মভাৱে সতৰ্ক কৰিছিল। গীতটোৰ প্ৰতিটো শব্দ আৰু কথা মানুহৰ হৃদয় স্পৰ্শ কৰিছিল। আটাইতকৈ আশ্চৰ্যজনক কথাটো হ’ল, তেওঁ এই গীতত মহিলাৰ, শিশুৰ আৰু বৃদ্ধ লোকৰ কণ্ঠস্বৰো তেওঁ নিজেই অনুকৰণ কৰিছিল। এই গীতটোৱে সেই সময়ত সমাজত এক বিশেষ প্ৰভাৱ পেলাইছিল। গীতটো মুক্তিৰ পিছত বহু বছৰ ধৰি বন্ধুবৰ্গই বিয়াৰ অনুষ্ঠানত দৰাক ঠাট্টা-মস্কৰা কৰিবলৈ এই গীতটো বজোৱাৰ পৰম্পৰা গঢ় লৈ উঠিছিল। বিবাহৰ পিছত পুৰুষসকলৰ অৱস্থা কেনেকুৱা হ’ব পাৰে, সেই কথাটো কিশোৰ কুমাৰে অত্যন্ত ৰসিকতা আৰু সৃজনশীলতাৰে গীতৰ কথাত প্ৰকাশ কৰিছিল। প্ৰায় ৭০ বছৰ আগতে মুক্তি পোৱা এই গীতটোক সেই সময়ৰ এক ‘ট্ৰেণ্ডচেটাৰ’ হিচাপে দেখা হৈছিল। ‘পৰিবাৰ’ ছবিখনত কিশোৰ কুমাৰৰ হাস্যৰসাত্মক অভিনয় আৰু অনন্য শৈলীৰ প্ৰতি দৰ্শকসকল ইমানেই আকৃষ্ট হৈছিল যে বহুতে তেওঁৰ অভিনয় আৰু গায়কীৰ ধৰণ অনুকৰণ কৰিবলৈ আৰম্ভ কৰিছিল।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
