Guess the Actress: বেৰেলীত জন্মগ্ৰহণ কৰা এই অভিনেত্ৰীগৰাকীয়ে প্ৰথম অৱস্থাত পাইলট বা বিজ্ঞানী হ’ব বিচাৰিছিল। ভৱিষ্যতে কিবা এটা হ’বলৈ ইঞ্জিনিয়াৰিং পঢ়িছিল। কিন্তু কলেজত মডেলিং প্ৰতিযোগিতাত জয়ী হোৱাৰ পিছত গ্লেমাৰৰ জগতখনৰ প্ৰতি আকৰ্ষিত হৈছিল অভিনেত্ৰীগৰাকী। মাত্ৰ ৫০০ টকা লৈ মুম্বাইলৈ আহি কোনো পৰিয়ালৰ সহায় নোলোৱাকৈ সংগ্ৰাম কৰিছিল। ২০১৬ চনৰ ছুপাৰহিট ছবিখনে বলীউডত তেওঁৰ ব্যাপক স্বীকৃতি কঢ়িয়াই আনিছিল।
অতি কম সময়ৰ ভিতৰতে চলচ্চিত্ৰ জগতত নাম উজলাই তুলিছে বলীউডৰ বহু অভিনেত্ৰী। কিন্তু সফলতাৰ কাহিনী বাহিৰৰ পৰা দেখাৰ দৰে সহজ নাছিল। অতি কম সংখ্যকেহে জানে যে এই পদত উপনীত হ’বলৈ জীৱনত বহুত সংগ্ৰাম কৰিবলগীয়া হৈছিল।
১৯৯২ চনৰ ১৩ জুনত উত্তৰ প্ৰদেশৰ বাৰেলীত জন্মগ্ৰহণ কৰিছিল দিশা পাটানীয়ে। তেওঁৰ পৰিয়ালটো মূলতঃ উত্তৰাখণ্ডৰ তানকপুৰৰ। তেওঁৰ পিতৃ জগদীশ সিং পাটানি এজন জ্যেষ্ঠ আৰক্ষী বিষয়া আৰু মাক স্বাস্থ্য বিভাগত কাম কৰিছিল। দিশা সৰুৰে পৰা এগৰাকী মেধাৱী ছাত্ৰী আছিল। অভিনেত্ৰী হোৱাৰ সপোন কেতিয়াও ভবা নাছিল।
দিশাই প্ৰথমে আই এ এফৰ পাইলট বা বিজ্ঞানী হ’ব বিচাৰিছিল। গতিকে পিছলৈ তাই অভিযান্ত্ৰিক আৰু জৈৱ প্ৰযুক্তিবিদ্যা অধ্যয়ন কৰে। কিন্তু কলেজত তেওঁৰ ভাগ্য সলনি হ’ল যেতিয়া বন্ধু এজনে মডেলিং প্ৰতিযোগিতাত অংশগ্ৰহণ কৰিবলৈ পৰামৰ্শ দিলে। দিশাই অংশগ্ৰহণ কৰাই নহয়, জয়ীও হৈছিল সেই প্ৰতিযোগীতাত।
জয়ী হোৱাৰ পিছত দিশাৰ বাবে মডেলিঙৰ নতুন দুৱাৰ মুকলি হৈ পৰিল আৰু কেইবাটাও ডাঙৰ ব্ৰেণ্ডৰ বিজ্ঞাপনত কাম কৰাৰ সুযোগ লাভ কৰিবলৈ ধৰিলে। বিজ্ঞাপনত কেমেৰাৰ সন্মুখত থিয় হৈ তেওঁ অভিনয়ৰ প্ৰতি আগ্ৰহ জগাই তুলিছিল। অৱশেষত নিজৰ সপোন পূৰণৰ বাবে মুম্বাইলৈ যোৱাৰ সিদ্ধান্ত ল’লে, যিটো পথ সহজ নাছিল।
দিশাই এক সাক্ষাৎকাৰত প্ৰকাশ কৰিছিল তেওঁৰ জীৱনৰ বহু আচৰিত কথা। যেতিয়া তেওঁ প্ৰথমবাৰৰ বাবে মুম্বাইলৈ আহিছিল তেতিয়া তেওঁৰ পকেটত মাত্ৰ ৫০০ টকাহে আছিল। মুম্বাইৰ দৰে দামী চহৰত ইমান কম টকাৰে জীয়াই থকাটো এটা ডাঙৰ প্ৰত্যাহ্বান আছিল। কিন্তু পৰিয়ালৰ পৰা কোনো ধৰণৰ আৰ্থিক সাহায্য নোলোৱাকৈ আৰু সকলো কাম নিজাববীয়াকৈ কৰিবলৈ দৃঢ়প্ৰতিজ্ঞ আছিল অভিনেত্ৰীগৰাকী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
