পেৰিছ অলিম্পিকৰ সামৰণি, কোন দেশে পালে সৰ্বাধিক সোণ, কোন শীৰ্ষত, ভাৰতৰ স্থান কিমান
১১ আগষ্ট দেওবাৰে বিশ্ব ক্ৰীড়া মহোৎসৱৰ সামৰণি পৰে। নিশা বৰ্ণিল অনুষ্ঠানেৰে এইবাৰৰ অলিম্পিকৰ সামৰণি অনুষ্ঠানো আয়োজিত কৰা হয়। এইবাৰৰ অলিম্পিক ভাৰতৰ বাবে যথেষ্ট মিশ্ৰিত আছিল। ভাৰতৰ জোলোঙালৈ মুঠ ৬টা পদক আহে। পেৰিছে আয়োজন কৰা অলিম্পিক ২৬ জুলাইৰ পৰা আৰম্ভ হৈ কালি ১১ আগষ্টত সামৰণি পৰে।
ফ্ৰান্সৰ ষ্টেড ডি ফ্ৰান্স ষ্টেডিয়ামত অনুষ্ঠিত হয় পেৰিছ অলিম্পিকৰ সামৰণি অনুষ্ঠান। এইখন ফ্ৰান্সৰ আটাইতকৈ ডাঙৰ ষ্টেডিয়াম। এই অনুষ্ঠানত বহু শিল্পীয়ে যাদু সৃষ্টি কৰি সকলোকে মনোৰঞ্জন দিয়ে। এই সামৰণি অনুষ্ঠানৰ অংশ আছিল হলিউডৰ বিখ্যাত অভিনেতা টম ক্ৰুজ।
এই অনুষ্ঠানত পেৰেডৰো আয়োজন কৰা হয়, য’ত সকলো খেলুৱৈয়ে নিজ নিজ দেশৰ পতাকা লৈ সদলত ভাগ লয়। এই সমদলত ভাৰতৰ হকী দলৰ গ’লৰক্ষক পি আৰ শ্ৰীজেশ আৰু শ্বুটাৰ মনু ভাকৰ পতাকাবাহী হিচাপে উপস্থিত থাকে।
পাছে এইবাৰৰ অলিম্পিকৰ সৰ্বাধিক সোণ কোন দেশে লাভ কৰে বুলি কবলৈ গ’লে দুখন দেশে সমানে সোণ লাভ কৰে। ইউনাইটেড ষ্টেট আৰু আমেৰিকাই সমানে ৪০ টাকৈ সোণ লাভ কৰি ক্ৰমে প্ৰথম আৰু দ্বিতীয় স্থানেৰে পেৰিছ অলিম্পিকৰ সামৰণি মাৰে। সমান্তৰালকৈ ২০ টা সোণেৰে জাপানে তৃতীয়ত থাকে।
ইউনাইটেড ষ্টেটে ৪০ টা সোণ, ৪৪ টা ৰূপ আৰু ৪২ টা ব্ৰঞ্জ মেডেলৰ সৈতে মুঠ ১২ টা পদক লাভ কৰি পদক তালিকাৰ শীৰ্ষত থাকে। চীনে ৪০ টা সোণ, ২৭ টা ৰূপ আৰু ২৪ টা ব্ৰঞ্জৰ সৈতে মুঠ ৯১ টা পদক লাভেৰে দ্বিতীয়ত।
এইবাৰৰ পেৰিছ অলিম্পিকৰ পদক তালিকাত ভাৰতে ১ টা ৰূপ আৰু ৫ টা ব্ৰঞ্জৰ পদকৰ সৈতে ৭১ সংখ্যক স্থানত থাকে। অৱশ্যে ১৩ তাৰিখ বিনেশৰ পদক সিদ্ধান্তৰ অন্তত যদি ৰূপ লাভ কৰে তেন্তে ভাৰত পদক তালিকাৰ ৬১ সংখ্যক স্থানলৈ উন্নীত হব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
