দেশৰ আইন নিৰ্ধাৰিত হয় সংসদত৷ নতুনদিল্লীৰ এই ভৱনৰ দুই কক্ষতে গুৰুত্বপূৰ্ণ ইছ্যুক লৈ ভাষণ দিয়ে সাংসদসকলে৷ ৰাজ্যসভা আৰু লোকসভাৰ ভিতৰত কাম কেনেধৰণে চলে তাক লৈ কৌতুহল বহুতৰেই আছে৷ সংসদত সাধাৰণ মানুহে কাম কৰাৰ সুযোগ আছেনে? চাকৰি কৰিব পাৰিনে পাৰ্লিয়ামেণ্টত? জানি থওক কোন কোন পদৰ বাবে সাধাৰণ নাগৰিকেও আবেদন কৰিব পাৰে৷
সংসদত চাকৰিৰ বাবে কি কি যোগ্যতা লাগে?
সংসদৰ দৰে এক দায়িত্বপূৰ্ণ প্ৰশাসনিক আৰু চৰকাৰী ভৱনত কাম কৰাটো বহুতৰেই এক সপোন৷ কিন্তু ইয়াৰ বাবে পদ অনুযায়ী যোগ্যতা নিৰ্ধাৰিত হয়৷ পদসমূহক ৪ টা ভাগত ভাগ কৰা আছে৷ গ্ৰুপ এ, গ্ৰুপ বি, গ্ৰুপ চি আৰু গ্ৰুপ ডি৷
গ্ৰুপ এ পদত চাকৰিৰ বাবে স্নাতকোত্তৰ ডিগ্ৰীৰ প্ৰয়োজন৷
গ্ৰুপ বি পদত চাকৰিৰ বাবে নূন্যতম স্নাতক ডিগ্ৰীৰ প্ৰয়োজন৷
গ্ৰুপ চি পদৰ প্ৰাৰ্থীসকল ন্যূনতম দ্বাদশ শ্ৰেণী পাছ কৰা হব লাগিব৷
ইয়াৰোপৰি গ্ৰুপ ডিত আছে পিয়ন, চালক, নিৰাপত্তাকৰ্মী আৰু অন্যান্য পদ৷ এইসমূহৰ বাবে শিক্ষাগত যোগ্যতা হৈছে দশম পাছ৷ কিছু পদৰ বাবে ড্ৰাইভিং লাইছেন্স বাধ্যতামূলক৷
কামৰ ধৰণ
সংসদ সচিবালয়ৰ পৰা বিভিন্ন শ্ৰেণীৰ পদৰ বাবে সংসদীয় চাকৰিৰ বিজ্ঞাপন দিয়া হয়৷ এই পদসমূহৰ মাজত চুক্তিভিত্তিক পদো অন্তৰ্ভূক্ত৷ সংসদত চাকৰিৰ বাবে আবেদন কৰিবলৈ হ’লে প্ৰাৰ্থীসকলে অৱশ্যেই বিজ্ঞাপ্তিসমূহ মনোযোগ সহকাৰে পৰ্যালোচনা কৰিব লাগিব৷ এই বিজ্ঞাপ্তিসমূহত নিয়োগৰ প্ৰক্ৰিয়া সম্পৰ্কিত সমস্ত বিৱৰণ থাকে৷ যেনে পদৰ নাম, যোগ্যতা, দৰমহা, আৰু নিৰ্বাচন প্ৰক্ৰিয়া৷
কোন কোন পদত নিয়োগ?
সহকাৰী অধিকাৰী
ট্ৰান্সলেটৰ
ৰিপৰ্টাৰ
ক্লাৰ্ক
জুনিয়ৰ ক্লাৰ্ক
ষ্টেনোগ্ৰাফাৰ
ডাটা এন্ট্ৰি অপাৰেটৰ
ছচিয়েল মিডিয়া মাৰ্কেটিং
পাৰ্লিয়ামেণ্ট ইণ্টাৰপ্ৰেটাৰ
আবেদন কেনেকৈ কৰিব?
https://sansad.in/ls/recruitment ৱেবচাইটত নিয়মিত চকু ৰাখক৷ ইয়াতেই লোকসভা আৰু ৰাজ্যসভাৰ সচিবালয়ৰ পৰা নিয়োগৰ খবৰ প্ৰকাশ কৰা হয়৷ উল্লেখিত পদসমূহত শূন্যপদ থাকিলে আবেদন অনলাইনতো কৰিব পাৰে৷ ইয়াৰ পাছতেই লিখিত পৰীক্ষাও হয় কিছু কিছু ক্ষেত্ৰত৷ সাধাৰণতে ২২ৰ পৰা ৫৮ বছৰ বয়সীয়া ভাৰতীয় নাগৰিকেই আবেদন কৰিব পাৰে এই পদসমূহৰ বাবে৷ এই পদসমূহত বেছিক চেলাৰি ১৫ হাজাৰ ৬০০ টকাৰ পৰা ৩৯ হাজাৰ ১০০ টকা পৰ্যন্ত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
