অসম লাইভ২৪ঃ সাজু হওক। হেলিকপ্টাৰেৰেই ফুৰিব পাৰিব অসম। আজিৰে পৰা ৰাজ্যত আৰম্ভ পৱনহংসৰ হেলিকপ্টাৰ সেৱা৷ প্ৰথমে সপ্তাহৰ সোমবাৰ, বুধবাৰ আৰু শুকুৰবাৰে উপলব্ধ হ’ব এই সেৱা। পৰৱৰ্তী সময়ত অৰুণাচলপ্ৰদেশতো আৰম্ভ কৰা হ’ব পৱনহংসৰ হেলিকপ্টাৰ সেৱা।
অসমত পৱনহংস লিমিটেডে আৰম্ভ কৰিব এই হেলিকপ্টাৰ সেৱা। উড়ান আঁচনিৰ অধীনত ৰাজ্যৰ ৬ টাকৈ স্থানত আৰম্ভ হ’ব এই হেলিকপ্টাৰ সেৱা৷ ডিব্ৰুগড়, যোৰহাট, তেজপুৰ, গুৱাহাটীলৈ চলিব পৱনহংসৰ হেলিকপ্টাৰ। প্ৰথম অৱস্থাত সপ্তাহৰ সোমবাৰ, বুধবাৰ আৰু শুকুৰবাৰে উপলব্ধ হ’ব এই সেৱা।
উল্লেখ্য যে ১৯৮৫ চনত উত্তৰ পূবত পোনতে আৰম্ভ হৈছিল এই হেলিকপ্টাৰ সেৱা৷ পৱনহংসই ৪২ খনকৈ হেলিকপ্টাৰ পোনতে মুকলি কৰি দিছিল উত্তৰ পূবৰ বাবে৷ কিন্তু পৰবৰ্তী সময়ত লোকচানৰ সন্মুখীন হোৱাত বেচৰকাৰী খণ্ডৰ হাতত বিক্ৰীৰো সিদ্ধান্ত লৈছিল চৰকাৰে৷
ভাৰত চৰকাৰৰ আঞ্চলিক যোগাযোগ আঁচনি অৰ্থাৎ RCS উড়ানৰ অধীনত পৱনহংস লিমিটেডে হেলিকপ্টাৰ সেৱাৰ জৰিয়তে ডিব্ৰুগড়, যোৰহাট, গুৱাহাটী আৰু তেজপুৰক সংযোগ কৰিব। তেজপুৰৰ পৰা গুৱাহাটীলৈ ৫৯৪৫ টকা, তেজপুৰৰ পৰা ডিব্ৰুগড়লৈ ১০৭৭৪ টকা, তেজপুৰৰ পৰা যোৰহাটলৈ ৫৬৬২ টকা।
এই হেলিকপ্টাৰ সেৱাৰ ভাড়া বেছি হোৱা বুলি উপলব্ধি কৰি তেজপুৰ বিমান কোঠৰ সঞ্চালক জ্যোতিৰ্ময় বৰুৱাই পৱন হংস কৰ্তৃপক্ষক ভাড়া কমোৱাৰ বাবেও দাবী উত্থাপন কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
