চকুৰ সমুখতে আকাশৰ পৰা সৰি পৰি দাওদাওকৈ জ্বলি উঠিল ৬২ যাত্ৰীসহ বিমান, সকলো নিহত
ব্ৰাজিলৰ পৰা আহিছে অতিকে শোকাৱহ ঘটনা। ৬২ যাত্ৰীসহ দাওদাওকৈ জ্বলি ছাই হৈ যায় এখন বিমান। চকুৰ সমুখতে আকাশৰ পৰা সৰি পৰে বিমানখন। চাও পাওলো চহৰৰ জনবসতিপূৰ্ণ অঞ্চলত দুৰ্ঘটনাগ্ৰস্ত হয় এখন যাত্ৰীবাহী বিমান।
প্ৰাথমিক তদন্তত জানিব পৰা অনুসৰি দুৰ্ঘটনাৰ সময় বিমানখনত ৫৭ যাত্ৰী, ৪ ক্ৰিউ মেম্বাৰ আৰু দুগৰাকী পাইলট আছিল। দুৰ্ঘটনাটোত কেইজনেই জীৱন্তে জ্বলি প্ৰাণ হেৰুৱায়।
কালি ব্ৰাজিলত এই ভয়ংকৰ বিমান দুৰ্ঘটনাটো সংঘটিত হয়। ১৫ হাজাৰ ফুটতকৈও অধিক উচ্চতাৰ পৰা হঠাৎ পৰি বিমানখন মাটিত খুন্দা মাৰি বিস্ফোৰণ ঘটে। বিস্ফোৰণ সংঘটিত হোৱাৰ লগে লগে বিমানখনত অগ্নিকাণ্ড সংঘটিত হয় আৰু বিমানখনত থকা আটাইকেইজন লোকেই জীৱন্তে জ্বলি নিহত হয়। ব্ৰাজিলৰ চাও পাওলো ৰাজ্যৰ ভিনহেডো চহৰত সংঘটিত হয় এই বিমান দুৰ্ঘটনা।
বিমান সংস্থা ভইপাছৰ এই বিমানখনে চাও পাওলোৰ গুয়াৰুলহছ আন্তঃৰাষ্ট্ৰীয় বিমানবন্দৰত অৱতৰণ কৰিবলগীয়া আছিল যদিও অৱতৰণৰ পূৰ্বে দুৰ্ঘটনাৰ সন্মুখীন হয়। বিমান দুৰ্ঘটনাৰ ভিডিঅ’ ভাইৰেল হৈ পৰে ছ’চিয়েল মিডিয়াত।
https://x.com/gunsnrosesgirl3/status/1822029149755863295
সংবাদ মাধ্যমৰ বাতৰি অনুসৰি বিমান সংস্থা ভোপাছৰ সূত্ৰই জনোৱা মতে, পি এছ-ভিপিবি বিমানখনৰ পঞ্জীয়ন নম্বৰ এটিআৰ ৭২-৫০০ আৰু ইঞ্জিন বিকল হোৱাৰ বাবে বিমানখন দুৰ্ঘটনাগ্ৰস্ত হয়। যদিও বিমান দুৰ্ঘটনাৰ কোনো স্পষ্ট কাৰণ পোহৰলৈ অহা নাই, তথাপিও কোৱা হৈছে যে ভিডিঅ’টোত বিমানখন বৃত্তৰ দৰে গতি কৰা দেখা গৈছে। তেনেদৰেই বৃত্তাকাৰে ঘুৰি এক আৱাসিক অঞ্চলত সৰি পৰে।
https://x.com/PJPNIG/status/1821973187741282493
দুৰ্ঘটনাৰ পূৰ্বে বিমানখনে এ টি চিৰ বিষয়াৰ সৈতে যোগাযোগ হেৰুৱাই পেলাইছিল। আনকি ৰাডাৰতো দেখা পোৱা নাছিল বিমানখন। বিমানখনে খুন্দা মৰা ঘৰটোৰ বেয়াকৈ ক্ষতিগ্ৰস্ত হৈছে। কনডোমিনিয়াম কমপ্লেক্সত বাস কৰা লোকসকলে বিমানখন পৰাৰ লগে লগে অগ্নিনিৰ্বাপক বাহিনীক অৱগত কৰে। ঘটনাস্থলীত উপস্থিত হৈ অগ্নিনিৰ্বাপক বাহিনীৰ দলটোৱে বিমান দুৰ্ঘটনাৰ বিষয়ে বিমানবন্দৰ কৰ্তৃপক্ষ আৰু আৰক্ষীক অৱগত কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
