বিগত ১৬ ছেপ্টেম্বৰৰ সোমবাৰে সন্ধিয়া ৭বাজি ২৯ মিনিটত সূৰ্যই সিংহ ৰাশি এৰি কন্যা ৰাশিত গোচৰ কৰিছে৷ কন্যা ৰাশিতেই সূৰ্যৰ গোচৰৰ ফলত বৰ্তমান সূৰ্য আৰু শনি পৰস্পৰে ষষ্ঠ আৰু অষ্টম ঘৰত অৱস্থান কৰিছে৷ সূৰ্য আৰু শনি হৈছে পৰস্পৰৰ শত্ৰু গ্ৰহ৷ শনিৰ তিৰ্যক দৃষ্টি ইয়াৰ ফলত সূৰ্যৰ ওপৰত পৰিছে৷ শনি আৰু সূৰ্যৰ এই অৱস্থানৰ ফলত ষড়ষ্টক যোগ গঠিত হৈছে৷ জ্যোতিষ মতে এই যোগ অশুভ যোগ৷ আগন্তুক এমাহ কেইটামান ৰাশিৰ জাতকে ষড়ষ্টক যোগৰ প্ৰভাৱত নানান সমস্যাৰ মুখত পৰিব৷ আৰ্থিকভাৱে এওঁলোকৰ ক্ষতি হ’ব৷ কেৰিয়াৰতো নানান বাধা বিপত্তি আহিব৷ জানি থওক সূৰ্য আৰু শনিৰ ষড়ষ্টক যোগত কোন কোন ৰাশিৰ জাতকৰ বিপদ বাঢ়িব?
বৃষ ৰাশি
সূৰ্য আৰু শনিৰ ষড়ষ্টক যোগৰ প্ৰভাৱে বৃষ ৰাশিৰ জাতকৰ জীৱনত অশান্তি বৃদ্ধি কৰিব৷ যদি আপোনাৰ জীৱনত সকলো অনুকূল থাকে তেন্তে কেৰিয়াৰত সমস্যাই দেখা দিব৷ এই সময়ত ব্যৱসায়তো আৰ্থিক ক্ষতিৰ মুখত পৰিব বৃষ ৰাশিৰ জাতক৷ কোনো কামত আগবাঢ়িলে হঠাৎ সেই কাম কেনচেলো হ’ব পাৰে৷ কোনো সিদ্ধান্তক লৈ মানসিক অশান্তিত ভূগিব পাৰে আপুনি৷
মিথুন ৰাশি
সূৰ্য শনিৰ ষড়ষ্টক যোগত নানান সমস্যা তৈয়াৰ হ’ব মিথুন ৰাশিৰ জাতকৰ জীৱনত৷ আপুনি আৰু আপোনাৰ পৰিয়ালৰ কোনো সদস্য গুৰুতৰভাৱে অসুস্থ হৈ পৰিব পাৰে৷ আনকি হাস্পতালত ভৰ্তিও হ’ব পাৰে৷ কাৰ্যালয়ত আপুনি নানান চাপৰ মুখত পৰিব পাৰে৷ সম্পত্তি ক্ৰয় কৰোতেও প্ৰতাৰণাৰ চিকাৰ হ’ব পাৰে আপুনি৷
কন্যা ৰাশি
কন্যা ৰাশিতেই বৰ্তমান অৱস্থান কৰিছে সূৰ্যই৷ সূৰ্য শনিৰ ষড়ষ্টক যোগত নানান প্ৰতিকূল পৰিস্থিতি আহিব কন্যা ৰাশিৰ জাতকৰ জীৱনত৷ এই সময়ত পৰিয়ালৰ সদস্য আৰু বন্ধুসকলৰ সৈতে সম্পৰ্ক বেয়া হ’ব পাৰে৷ কৰোবাত ধনৰ লেনদেন কৰাৰ সময়ত সাৱধানে থাকক৷ জ্বৰ, মূৰৰ বিষ, গেছ, বদহজমৰ সমস্যাত ভূগিব পাৰে কন্যা ৰাশিৰ জাতক৷ চকুৰ ৰোগো হ’ব পাৰে৷
মকৰ ৰাশি
মকৰ ৰাশিৰ অধিপতি গ্ৰহ হৈছে শনি৷ সেয়ে সূৰ্য শনিৰ ষড়ষ্টক যোগত এই ৰাশিৰ জাতকৰ জীৱনত নানান সমস্যা আহিব পাৰে৷ এই সময়ত আপোনাৰ দাম্পত্য জীৱনত অশান্তি বাঢ়িব৷ ইয়াৰোপৰি এটাৰপাছত আনটো আৰ্থিক সমস্যাৰ মুখত পৰিব মকৰ ৰাশিৰ জাতক৷ সমাজত সন্মানহানি হ’ব পাৰে আপোনাৰ৷ পেছাগত জীৱনতো সমস্যা আহিব আপোনাৰ৷
কুম্ভ ৰাশি
কুম্ভ ৰাশিত বৰ্তমানো অৱস্থান কৰি আছে শনিয়ে৷ সূৰ্য শনিৰ ষড়ষ্টক যোগে আগন্তুক এমাহ এটাৰ পাছত আনটো বিপদ আনিব কুম্ভ ৰাশিৰ জাতকৰ জীৱনলৈ৷ বিশেষকৈ পেছাগত জীৱনৰ বাবে এই যোগ অত্যন্ত ক্ষতিকৰ৷ কোনো কাজিয়াত সোমাই নপৰিব৷ কুম্ভ ৰাশিৰ জাতকে এই সময়ত নিজকে শান্ত ৰাখক৷ এই সময়ত আপোনাৰ আৰ্থিক ক্ষতি হ’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
