অসম লাইভ ২৪ঃ পৃথিৱীৰ জনপ্ৰিয় ৰাজনীতিবিদৰ তালিকাত শীৰ্ষস্থানত থকা এজন নেতা হৈছে প্ৰধানমন্ত্ৰী নৰেন্দ্ৰ মোদী৷ জনপ্ৰিয়তাৰ শীৰ্ষত থকা প্ৰধানমন্ত্ৰীগৰাকীৰ বিষয়ে জানিবলৈ বহুজনেই আগ্ৰহী৷ প্ৰধানমন্ত্ৰী মোদীৰ জীৱনৰ প্ৰতিটো দিশ জানিব খোজে বহুসংখ্যকেই৷ তেওঁৰ অধ্যৱসায়, নিষ্ঠা আৰু কঠোৰ পৰিশ্ৰম, প্ৰধানমন্ত্ৰীৰ সৰলতাই আকৰ্ষিত হোৱাৰো কাৰণ৷
প্ৰধানমন্ত্ৰী মোদীৰ দৈনন্দিন কাৰুকাৰ্য সামাজিক মাধ্যমত চৰ্চা হৈয়েই থাকে৷ শেহতীয়াভাৱে তেওঁৰ ডায়েৰীৰ এটা পৃষ্ঠা সামাজিক মাধ্যমত ভাইৰেল হৈ পৰিছে৷ প্ৰধানমন্ত্ৰীৰ ডায়েৰীৰ এই পৃষ্ঠাই প্ৰমাণ কৰে যে তেওঁ নতুন নতুন বিষয়বস্তুৰ বিষয়ে জানিবলৈ আগ্ৰহী হোৱাৰ লগতে ৰাজনৈতিক ক্ষেত্ৰতো নতুনত্ব অনাৰ প্ৰয়াসৰ বিষয়টো তেওঁৰ ডায়েৰীৰ পৃষ্ঠাতেই পৰিস্ফুত৷
প্ৰধানমন্ত্ৰীৰ এই ডায়েৰী এতিয়াৰ নহয়৷ তেওঁ গুজৰাটত বিজেপিৰ সাধাৰণ এজন কৰ্মচাৰী হৈ থাকোতেই এই ডায়েৰী লিখিছিল৷ ডায়েৰীত, ভাৰতৰ গৌৰৱময় দৰ্শন, পৰম্পৰা, ভাতৃত্ববোধ আৰু বিশ্ব কল্যাণৰ মনোভাৱ বৰ্ণনা কৰি সংস্কৃত ভাষাত বিশেষ কেইটিমান শাৰী লিখিছিল৷ তেওঁ লিখিছিল, ‘আমাৰ চেতনাই আমাৰ প্ৰকৃতি, বৈচিত্ৰ্যৰ মাজত ঐক্য৷ ঈশ্বৰে আমাক সকলোকে সুৰক্ষা দিয়ক৷ আমি একেলগে দেশৰ স্বাৰ্থত কাম কৰিম৷ মই মোৰ জীৱন ৰাষ্ট্ৰৰ সেৱাত উৎসৰ্গিত কৰিছো। সমগ্ৰ পৃথিৱীয়েই আমাৰ পৰিয়াল৷ আমাৰ সপোন হৈছে, সমগ্ৰ বিশ্ব সুখী হ’ব লাগে। আমাৰ শক্তি হৈছে বন্দে মাতৰম৷ এশ কোটি দেশবাসী আৰু হাজাৰ হাজাৰ বছৰৰ ঐতিহ্য অটুত ৰখাই আমাৰ কৰ্তব্য৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
